قليل البخت يلاقى العظم فى البورصة
تصوروا قال جاى لى شغل فى ديوان حكومى يا دى الجرسه
انا قلت لدادى دانا شاطــــر بس انت تدينى الفرصـــــــــــــــــه
عايزصحيح تشغــــــــــــلنى هات لى وظيفه فى البورصـــــــــه
العب فى مكتب الخــــــــــبرا فى البورصه بيكسب الحريــــــــف
راجع من الشغل تعبـــــــــــان مزنوق من الغلب شــــــــــــــــــارب
قابلت واحد كان صحبـــــــــى كان طول عمره مخه ضــــــــــارب
قال لى ماتيجى نجيب اسهـــم ونروح البورصه ونضـــــــــــــــارب
وضرورى راح اكسب الالوفات مبخت انا وحظى ضــــــــــــــــــارب
فى السوق قالولى الخـــــــــبرا فيه النهاردة ثلاث ورقــــــــــــــات
هم اللى مكسبهم مضمــــــــــون ارمى بياضك وفلوسك هـــــــــــات
انا قلت ياللا يا سنيـــــــــــــوره ناولينى ورقـه مع البهـــــــــــــوات
وطلعت من البورصه شـــــــــــايب وخسرت فى كل دور الوفــــــــــات
انا قلت عايز اتعــــــــــــــــــــلم ما تفهمونى العبه امــــــــــــــــــال
ايه السكك ايه الدهاليـــــــــــــــز علشان نخش سوق المـــــــــــــــال
كان نفسى اكون بزنس مــــــان بالعربى اكون رجل اعمــــــــــــــال
لعبو فى مخى الله يسمحهــــــــم وفى السكه جابو رجليـــــــــــــــــه
بعت الميراث اللى حلتـــــــــــــــى وكان صيغة الوليـــــــــــــــــــــــــه
وقلت ح نودع الفقــــــــــــــــــــــر ونجيب الفله والعربيـــــــــــــــــــــه
سعر الاسهم نزل فـــــــــــــى الارض بعت الهدوم اللى عليــــــــــــــــــــه