أنا أهنيك مـن قلبـي قـدرت إنـك تبكينـي
وحق الله يالغالـي أنـا مـن القلـب هنيتـك
كذا روحـي تـعللها ولا لـي مـن يواسينـي
وأنا اللي بكل معنى الحب والإحساس حبيتـك
أهون عليك وحياتـك كـذا وحـدي تخلينـي
تنسى عشرتي وتروح وعمري بلحظة ما نسيتك
حبيبي قول مـا بقلبـك إذا زعـلان صافينـي
تدري كم أنـا أحبـك وتـدري كـم صافيتـك
أنا مقـدر علـى زعلـك ولا إنـك تجافينـي
عساني ما تهنى لو أنـا فـي يـوم جافيتـك
أريدك ما تصدقهـم كـل اللـي حكـو فينـي
عذول وفيهم الغيرة عشان بعمري أنـا فديتـك
حبك ساكن بقلبـي ويجـري فـي شرايينـي
عشقتك يوم ما شفتك اخترتك حبيبي وسميتـك
تدلل بس على روحي ولو تطلب نظـر عينـي
وحق الواحد المعبود معاه القلب أنـا عطيتـك
ولك عهد الوفا منـي أقضـي عنـدك سنينـي
مطيع بكل ما تأمر ولو حـارس علـى بيتـك
منى نفسي أنا شوفك ولـو جلسـة بيكفينـي
ملكت الكون ساعتها وتـاج الـراس خليتـك
حبيبـي لا تعذبنـي تـراه البعـد يظنيـنـي
ورجيتـك لا تحسسنـي أنـا غلطـان غليتـك
نار العشق يـا عمـري تـرى بالله تكوينـي
تشعل في وسط صدري بأول يـوم أنـا ريتـك
حبيبي عودلي رجواك قبل موتـي يـوا فينـي
قبل لا تنطفي شمعـة زمـان كـان مضويتـك
مليك الروح لا تنسـى إذا مـا تقـدر تجينـي
تذكـر يـا بعـد عمـري كـم أنـا تمنيتـك
وإذا جالك خبر موتي أنـا مـا أريـد تبكينـي
أنا مـا أريـد أتعـذب عشـان بيـوم بكيتـك
ترى لي بس طلب واحد أنت اللـي توارينـي
تلبسني الكفن بأيـدك قبـري تلحّـده بغيتـك
ولو تسمح بدل إسمي شهيـد الحـب سمينـي
وعلى قبـري زرع وردة دخيـل الله ترجيتـك
كفاية عروقها جنبـي وسـط قبـري تسلِّينـي
وكل ما تشم زهرتهـا أنـا بالعـرق شميتـك
ودوس القبر بأقدامك ولومـا تطالعـك عينـي
ترد الروح في جسمي وأنـا بالطيـف ناديتـك
وتذكر قسوتك عندي وظلمك يـوم نـا سينـي
ولمـا تلعـب بقلبـي شـرى لعبـة مسليتـك
وسجل في كتاب الدهر كل اللي جـرى فينـي
عساه الدهر ينصفنـي وأنـت بعـد ياريتـك
مع حبـــــــــــــــــــــي وتحياتي