بسم الله الرحمن الرحيم ...


يااللي تحملتي علشاني اهانات وظنون
وما هزتك ريح العواذل دوم وانتي صابره
يحق لي فيك افتخر ياصاحب القلب الحنون
يالي لكسرة خاطري القاك دايم جابـــــــره

تضحك على اللي حاولوا لافراحها هم يهدمون
اسمع صدى ضحكاتها اكيد منهم ساخره
تقول ياعبدالله حبكم من فوق ما يتخيلون
وانتي قسم بالله ان محبتك بدوم ماهي عابره

ياني عشانك انقتل واموت من كثر الطعون
لكن مافي اليد حيله غير دمـــــعه حــــــادره
يا اطيب قلوب البشر يااجود من امطار المزون
انشهد ان التضحيه من طيب قلبك صادره

غصب على اشري رضاك لو كل ابوهم يزعلون
والقلب مرهون بيدك تنهاه والا تامـــــــــره
قدرك اشيله وان نزل في داخل احداق العيون
وانتي لنبض القلب يامحبوبتي تدرين والله اسره

سلمت لك روحي وانا راضي وما غيرك يمون
معك عرفت ان الامان نعمه ونفسي شاكره
ما حركوا فيني غلاك لا لا ولاهم يحزنون
وادري بعد يالغاليه ماانتي لحبي ناكره

لوني مرضت بيوم كل اعضاء جسمك يمرضون
واذا سهرت عيني فعينك ياحياتي ساهره
نبقى على مر الزمن انتي الجذع وانا الغصون
ياني احبك حب ياللي في زمانك نادره

يااللي تحملتي القهر من اجل(عبدالله ) مايهون
الله يجعل خطوتك للخير دايم سابــــــره