مجالس وعدي - عرض مشاركة واحدة

26-01-2007, 09:07 PM

إشلعي نُظْم القوافـي وانتخـي بالابجديّـه
صخري صدق المشاعر للوطن لاتذخريني
اكتبي ثـم اكتبـي ثـم اكتبـي مابالخفيّـه
سطّريها لاجل اغلى عشقةٍ مـرّت بعينـي
للسعوديـه وفلّـي للجـدايـل ياجْـوديّـه
لاطْهر بقـاع الوسيـع وثالثـه للوالدينـي
لارْضنا ارض الرساله ارضنا ارض الحميّه
ارضنا مهبط كتابٍ وضّح الحـق المبينـي
سطّريهـا يانُظُـم قافـي وخطيهـا هنيّـه
فرحةٍ في يوم عيدٍ للوطن واخْـذي يمينـي
قابضه عهْد الولاااااء وحافظه عهـدٍ عليّـه
إني افديها بروحـي والعـزاوي والجنينـي
للسعوديـه بـلادي امنّـا نِعْـم الوفـيّـه
كم عطتنا كم حمتْنا كم لنـا فلّـت جبينـي
ربّي احميها بظلّك عن صروف وعن اذيّـه
واحْفظ اللي يفتدي للشعب فـي دمّ الوتينـي
درعنا صقر العروبه درعنا جزْل العطيّـه
والد الكلّ المفـدّى سِيـد كـلّ الغانمينـي
إيه عبد الله زعيم العُـرْب كسّـاب الثنيّـه
مالك قلوب الشعوب الرّافي بجور السنينـي
يحفظه ربي عن صروف الزّمـان القلّبيّـه
ياإلهي تحْرزه عن كل عيـن وحاسدينـي
ولْد من علْمه تواريخ الزّمن صبْح وعشيّـه
تكتب اعظم معجزاتٍ ردّدوهـا العالمينـي
إيه ذا عبد العزيز الصّيرمي سيف المنيّـه
كلّ ظالم من يمينه في حسـاب الهالكينـي
وحّد اشْلاء الجزيره وانْقطع شرْك الاذيّـه
حطّ دستوره كتاب الله واحاديـث الامينـي
يابيوتي واسعفيني صـوّري نبْـضٍ بذيّـه
قلبٍ بحب الوطن ماطاع سـوم السايمينـي
ياوطنّـا ياوطنّـا دونـك نشـدّ العبـيّـه
والحدب في كلّ يمنـى واقـفٍ للطّامعينـي
ياوطنّـا مانـلام بحـبّـك وربّ البـريّـه
انت ابونـا وامنـا والله خيـر الشاهدينـي
الشــاعــر/شقران
للامــانــة منقــول