الــــســـلآمـ عــلــيــكــم ورحمــه اللّــه وبركــآتـه
كيف الحااال ؟ وش اخبااااااركم ؟ وش علووومكم ؟ عاملين اييييييه ؟ وشلون الاهل ؟ والاخوان عساهم بخير ؟ والبزران
بشرونا عنهم ؟ عساهم بخير ؟ << اخلصي والله ياانتي عله هههههههههههههه
ابقولكم سالفتي يوم اني بغيت اسجل في منتداكم القميل قدن قدن
مرة من المراريت دقت علي بنت خالتي وقالتلي ترا بنجيتس انا والبنات نسهر عندتس
قلتلها ماشاءالله تتعازمن من وراي في بيتنا المصوون
قالتلي ايه وش فيها واصلن مهب بيتس بيت خالتنا
قتلها بعد اجل طسي مناااك ولا تكلميني
قالتلي خلاص امشي عن الزعل
قلتلها خييييييييييييييييير
قالت جيبي حلاو
قلتلها بعد بعد شحااااااااات ويتشرط
قالتلي اييييييييه فيها شي وش بيضرتس يعني
قلتلها خلاص طيب وجعن للعدو لاتنافخين لاالصقتس في الجدر زي البعرصي ههههههههههه
قالتلي وووووووووع الله يقرفتس اقوول طسي جهزي المحلق لااطلعلتس من السمااااااااااعهـ
قلتلها بسم الله علي ناقصني تطلعينلي من السماعه عشان معد انوم في الليل كل ماغفيت طلعتيلي وانهبلت ههههههـآآي
قالتلي اقول عن الهذره الزايده طسي جهزي العفش ترا بنسهر موووب اي كلام
قلتلها خلاص طيب طسي مع السلامه
قالتلي مع السلامه
وبديت انا اشتغل في بيتنا
اقول للشغاله تنزل الاستريو في الملحق والفيديوو وشبكت الدنيا وشرت حلااااااااااااو << لزوم الوناسه يعني
وجلست استناهم هالدبش ههههههههههه
شوي ماصحيت الا وهن داخلاتن علي يناقزن كنهن حمير
انا بسم الله الرحمن الرحيم انتم من وين تدخلون هاااااااه ؟ اعترفوو
شوووشه : وانتي وش دخلتس الموهيم جينا لو انشاءالله طابين مع الطياق
انا: قامت تقرق ام لسانين اقول انطمي بس الموهيم وين تذكرة الدخول لبيتنا ياشويشه
شوشه : وشو تذكرته وش تخذرفين انتي
انا: لا ياشيخه شي طبيعي شريط راشد الماجد الجديد
شوشه : ايه امسكي
ودخلت هالمطفوقه مع مطافيقها للملحق << تراتس اول مطفوقه هههههههههه
وشغلنا الفيديو فلم مرعب وصكينا المبات << عايشين جوهم مع السينماء ههههههـآآآآآآآآي
وناكل حلاو وفتيناه كللللللللللللللله
وشغلنا الاستريو ورقص وهبال وتصوير وحركتات
يوم طفشنا قالت رزووووووووون اقول ماتسمعون بشي اسمه انترنت
شوشه : وشوو هالانترنت طعم !!
انا: وش طعم انتي ووجهتش هذا تنكلوجيا <<= تقصد تكنلوجيها
رزووون : اعوذ بالله ماتفكر هالشوشه الا في الاكل
انا: هههههههآآآآآآآآآآآي ايوالله
شوشه: انقلعوا الشرهه على اللي يسألكم شي مره ثانيه
انا: خلاص يابنية خويلتي لاتزعلين
رزوون: خلاص حقتس علينا ههههههههه
رزووووون:اطلعي جيبي كمبيوتر وسلك تلفون نبي نشبك نت
انا: عاد تعرفينله
رزوون: نخربط لين نعرفله
انا: بسلامتس تخربين كمبيوترنا
رزوون: لاماعليتس جيبي وانتي ساكته
انا: طيب
وطلعت وفكفكت الكمبيوتر << كمبيوتر مكتبي مهوووووب لاب توب
ونزلت الشاشه والكيبورد وسلك تلفون
رزوون: وشلون يشتغل ذاا
انا: والله مدري اشوف ابوي يشغله ولا ادري كيف هههههههههـآآآآآآى
شوشه: طيب نادي ابوتس يشغله
انا: طيب
ورحت ناديته وجانا ومااااااااااااااات ضحك وشذاا الحين
انا: الكمبيوتر
ابوي: الله يفشلكم منزلين الشاشه والكيبورد وتقولون كمبيوتر ههههههههههههههههه
انا: ليه وش بقي
ابوي: باقي الاساس الي مايشتغل الا فيه <<= يقصد الهارٍدسكـ
انا:وشوو
ابوي:اصبرو
احنا: طيب
وطلع وجاب الهارٍدسكـ وشبكه وشغله وعلمنا وراااااااح
بعدين فتحت منتداكم وسجلت
وتوته توته خلصت الحتوته << امحق حتوته قولي وخلصت قصة حياتك يمكن هههههههههه
ملاحظه: الي مكتوب فوق ولا حرف منه صووووووووووووووح :a111:
<<ودها تتصفق مخفسه عيونهم واخرتها ولا شي صح نيهههههههههاااي :1aa:
أســتنــى الــترحيب موٍالتــصفــيق :smoke1:
سي يووو