صدى الأحزان...
شاكرة لك مجهودك..

لكن أنا أحياناً أقول العكس..
لأن الحب في احوال يكون جميل ويكون حلم يتحقق.. لكن فيه أحوال ثانية يكون متعب وعذاب.. لكن شوفي النهاية وأحكمي عليها.. أحياناً تكون النهاية سعيدة فعشان كذا مايهم الي قاساه قبل النتيجه.. وأحياناً تكون النهاية حزينة وبائسة.. وهنا نقول ان الحب كانت تجربته قاسية ونتيجته عذاب..


واما عن العمر.. ما تقدرين تقولين أنه قصير لكل الأشخاص.. صحيح فيه مثل يقول(الدنيا قصيرة) وهذا المثل كأنه يحثك على أنك تلحقين عمرك قبل مايخلص وقتك.. لكن شوفي الطفل الصغير.. دايم نقول له قدامك كثيير أشياء تسويها بهالدنيا.. وشوفي الشيخ الكبير دايم نقول له والله ياعم أنت الي مريت بالدنيا وعشتها وماباقي لك شي فيها عشان كذا عطنا من الي تعلمته..


والأبوان..
هم نبع الحنان بهالدنيا.. لاتقولين كل الآباء قساه.. أو كلهم اموات.. لكن تفائلي وحطي في بالك أن الدنيا باقي فيها خير.. هنا ولد يودع أبوه وامه يروح المدرسة.. وهنا أم تقول لبنتها قصة قبل النوم.. وأجتماعهم على الغداء.. والاجواء عطره ودافية.. لكن شوفي الحالة الثانية.. ولد ضايع بدنيته أبوه وأمه راحوا وتركوه.. عايش بذل ومهانه.. أو أنه عايش بكرامته لكن بحزن ويأس من حياته.. يعني باختصار لاتحكمين على الشي الا إذا شفتي الحالتين! لان مافيه مقارنه ..



والأم.. هذي لو بعبر عنها لبكرة ماراح أخلص أبداً وكل الكلمات في القواميس والمعاجم راح تخلص.. بس راح أقولك أن لو الأم موموجوده كان ماشفتوني الحين.. أو لو الأم كرهتنا كان كلنا ماذقنا طعم السعادة.. مثلا ولله الحمد انا مبسوطه وفاهمة عشان أمي الله يحفظها.. أمي تحبني وأنا أحبها الله لايغير علينا.. وأكيد كثير غيري.. لكن فيه نوعيه ثانية من الامهات.. هي الي ذكرتيها.. الي تكره أبناءها ولا يهمونها..



والأب.. نفس الكلام السابق ينعاد.. الأبو مانستغني عنه.. وأعرف كثير مات أبوهم عايشين وهم حزينين على فراقه.. وهذا يدل على كثر ماكانوا يحبونه ويحبهم.. وفيه آباء ثانيين مايعيشون الا بالنية الشرّانيه الله يكفينا الشر..


أتمنى للجميع حياة هانئة سعيدة..

آسفة على الإطالة.. لكن حبيت بس أبيّن وجهة نظري من الموضوع.. وترى الحياة مو قانونها قانون الغابة أن الأقوى يعيش.. دايم تشوفين ناس على نياتهم عايشين بسعادة.. الدنيا توفيق من رب العالمين والصلة بالله هي كل شي.. كنتي مع الله؟ الله بيكون معك... تركتي ربك؟ خلاص أنسي التوفيق..


أشكرك مرة ثانية.. والعذر والسموحه..
اختك.. حــلا,,