السلام عليكووم
{ مدخل !
ماتلاحطون السلام كنه واحد من الجنوب , راعي تاكسي رابطن ربطه يمنيه بشماغ عراقي , لابسن شبشب ( اكرمكم الله ) , طالعتن كل رجلوه بس الصبع الكبير مغطيه , ( -- مالقى احد ينتفوه قال مالي الا انتق روحي ...
نصيحه لكل واحد فقير مايقوى يشري همر ويحط بشعروه وجل ويتروش كل يوم , يمكن ماعندهم ماء او يوم بوه ويوم مابوه , لا تحتك بعيال النعمه تراهم يدوهرونك دهوره ولا تدري وش السالفه ! , والا تدري وش القهر لا شفتك واحد بزر معوه رانج اسود مضلل وحاطن جنوط اللي لا شفته يلمع تشوف كل اللي يمر من عندهن ع الجنط , ونصيحه ثانيه لا تمثل قدام المطوع تسنك ولد خلوف وبزعمك وين , ويوميا تسبح وتستغفر قداموه وانت من برى الله ومن داخل يعلم الله ...
* * *
الشخصيات /
{ شيبون : اسموه عكس مواصفاته , خكري , يحب الكشخات والتعطر , حاطن خصلتين كل ماشافه نشفت , ضبطه بسعابيلوه , وكل يوم مرفعين بوه انت اكشخ واحد بنا !
هوايته / الفن عندوه من اهم هوياتوه , ويحب الطخمان الصغار , مكالمات آخر الليل
الطبنجه : اكبر غبي شفتوه بحياتي , وكل شي يصدقوه , لو يقالوه ترى البقر حجت صدق ! , يشبه الفنان اللي يغني ( الناس حرموني من اهل المنقا ) ,
هوياته / الكوره احب لا عب عندوه مروان بصاص ولين الحين يتذكرون ويحيب طاريه ويتعبر , ماتثر بشخصية عبدالناصر الدوريش , عقليته : قشور حب ! ...
ابو زقم : هذا اكبر تسذوب بالارض , يعطيك ايها كاش و ولا عندوه بأحد , ويدّعي انه غني , وهو ماعمر صار بمخباوه عشر ريال , هوياتوه : التنقيش يدخل كل صبعوه بخشموه ( --- وع الله يقرفك , مايشوف ابد يالله يكبس لا شاف ...
***
جالسن باالصاله , وحاطن على قناة سبيس ستون , واطالع هالطخمات اللي بأفلام كرتون , اللي شعره بنفسجي واللي شعره برتقالي , واللي عيونه معينات كانه مرسومه رسم ( ---- لا ياشيخ , واالا ذولا الطخوم اللي طويل وجنتل وشعره بني اشقر وباين عليه ناعم ( --- شلون دريت , آه بس ليتني خلقت على وقتهم كان الحين اطلع اطخم مثلهم واحب لي وحده طخما مثلي , وانقذه من الشريرين اللي يبون يخطفونه , كل هذي اوهام تدور براسي وليتني ما قمن من هالاوهام , على صوت ابوي الخشن / قم ياعلك للماحي تسانك عله علي بهالبيت من رحت مكان بهالبيت الا اشوفك قدامي , انا: يبه اطلع من جوي , ابوي : الا ياقليل الحيا قم بس رح دور لك وظيفه ماهو بس تخرجت وجلست على تسبدي لا انت اللي تفيد بهالبيت بس مقابل هالبيس تون مدري وش اسمه هذي كنك بزر بهالابتدائي , انا : سرحان بوجه ابوي اتخيلوه من طخمان افلام كرتون وانا خاق في سابع خقه , ما ادري الا جاني طراق على وجهي وانا اصحى الا وجه ابوي قدامي , مافيه الا سن وحده وشعرتين في راسوه ولا بسن سروال قصير , انا : يا الله يايبه خلق وفرق , ابوي بس اللي حب يدوه وجه وقفى , وجلس عند التلفزيون وحط الاخبار كالعاده ! ...
***
دق تليفون جوالي نغمة (ليلة امبارح ماقنيش نوم ) ,
انا: هلا والله شيبون
شيبون : اسمعني لا تكثر مجاملات ( وانا وجهي بعد ماقالي ) ترى بكرى عازمين لنا ثنين عيماد << باين اسم المطخطخ و محمد المذن , فا بكرى تعال ومعك قطتك وزود قطتك ترى نبي نعزمهم عزيمه محترمه ! تكفى تعال وانت كاشخ ماهو تجي بفنيلة المنتخب اللي من ايام عهد الملك فيصل وهي عليك , تروش قبل لا تجي ترى ريحة الصنان طبعة بجسمك
انا : افا عليك من الحين الي افرك روحي وابودي فنيلة الهلال عليها شعار art , تذكرها
شيبون : يرحم والديك البس شي ينرز ! ...
جلست عند ابوي واحب راسوه , تصدق يبه مانور المجلس الا يوم جيت , انت يبه نور هالبيت كلوه ماهو بس المجلس , تصدق يبه انا ما الوم يوم خذتك ماشاءالله عليك كرريم , وسيم ( --- اوم النصب , ولا تبخل ع احد , صدق يوم اني شبهت فيك بحاتم الطائي , على طول مد فلوس لي ( -- دري بالطبخه , انا : وربي انك فاهمني ! ...
***
من بكرى جيت للاستراحه وانا بكامل كشختي واناقتي , ولا لقيت الا شيبون يزين بهالخصيلات بسعابيلوه قدام المرايه , وانا اطبح عليه واحط يدي على كتفوه وصار وجيهنا كلنا قدام المرايه , شيبون : يا الله يا فاهمني ماني قايلك ياخي تعال وانت متروش ياخي ريحة اباطك معفنه , انا : وقسم بالله اني مخلق ومتروش بعدين من يبي يجي تحت اباطي , شيبون : طيب افرض مثلا جاء واحد منهم وجلس بجنبك وانت حطيت يدك ع كتفوه وش يبي يقول ! ...
ماندري الا طبح علينا ابو زقم : هآي شباب وانا وشيبون نطالع بعض ومستغربين , انا : بذمتك ابو زقم من علمك هالكلمه , ابوزقم : تعرفت لي ع وحده امريكيه ع المسن وكل مادخلت قالت لي هاي , اول شي احسبها تسبني الا طلعت ترحب فيني , تصدقون وانا جايكم مسكون الهيئه , قالولي سيارتك فارهه وفتشوني ولقوا بجوالي مقاطع ثقافيه , وحذفوهن , انا وشيبون بصوت واحد ( ورى ماعلمتنا ) ( --- برى , على قولتنا انا وشيبون اللي هذا وشسمه على دخلت الطبنجه , وسكتنا ..
المهم اجتمعنا احنا الخمسه وانواع السوالف والاكشن ! ينقالنا لا دخلوا المعزومين الا حنا انواع الانبساط , ونشبك الذي هو مليونير ! , دخل المطوع : السلام عليكم ورحمة والله وبركاته , حنا : وعليكم السلام يالله انك من القوم الصالحين ( فاهمين المطاوعه غلط ) , اللي قام راح يصلي ركعتين قداموه , واللي يسبّح بسبحتوه ويستغفر , المطوعه : شلونكم ؟! , انا : الحمدلله بخير تصدق يالمطوع اني طول امس حاطن قناة قرآن , المطوع : طيب؟! , انا : لا بس يعني اقولك , الطبنجه راح قام يصب للمطوع قهوه وصب لنا حنا القهوه , وقبل لا نشرب كلنا سمينا بالله وشربنا ويوم خلص الفنجال كلنا حمدنا , ( لازلنا فاهمين جلسة المطاوعه غلط ) , دخل المطخطخ : السلام عليكم , احس انوه يوم دخل فلوس ينكبن من جيبوه , كلنا قمنا سلمنا عليه اللي حب كتفوه واللي حب راسوه واللي قال اييييييييييي توه مانور المجلس , جلس معنا وهو رافعن خشموه , ابو زقم : والله يا اني امس ربحت بالاسهم ملايين واول ماربحت على طول بعتهن وشريت كنادر حبوب ( للكوره ) , مايدري الا جتوه خبطه بالفنجال مني : ماني قايلك لا جيت تنصب فكر قبل , ! ...
* * *
جلسنا وتقهوينا وتعشينا من المطعم وطلبنا عشا وبيبسي ( -- طالبين بيبسي علشان نكشخ بوه قدام المطخطخ ( -- , شيبون : ياي انا ماآكل من المطعم احس انهم وسخين , مايمدي يكمل سالفته الا وحنا بحضنه نتهاوش على وجبتوه كلن يبيه ! , انا اسأل المطاوع: وش حكم اللي يطلب من مطاعم يهوديه ( يمكن يقول حرام علشان آخذ وجبتوه ) , المطخطخ : وربي ان جلستكم فله ماتنمل وخاصتن انت يافاهمني وربي انك توحفه , وانا اهز كتوفي اعاند اخوياي ! , شيبون : اي تراه يقول قبل لاتجي ياربي اني اشبك المطخطخ علشان يصير خويي واكشخ بوه قدام اخوياي , المطخطخ : لا ما اتوقع فاهمني يقولها اعرفوه مؤدب ! , انا : هزيت كتف وارفع حجابي لشيبون , المطخطخ : قال مدام انكم اكرمتوني لازم اعزمكم وشكرا ع العزيمه الخفيفه ( مايدري ان ثنين من اخوياي متسلفين دفعاتهم , والزوليه متسلفينه من الاستراحه اللي بجنبنا ) ...
* * *
رجعت من العزيمه وانا جالس افكر , شلون اصير غني مثل خوينا , تسان اول ما اسحب سيفون على اخوياي اللي يفشلون , واتخيل نفسي وانا بطران واحد ينظف لي كنادري , وواحد ينفخ علي الهواء , واحد يهمز رجولي , الله انواع الفله , دخلت غرفتي وانا داخل جو مع الخيال , واصحى على نفسي واشوف غرفتي اللي مطري شلون هي قايله , كأنها عزبة بنقالي , الدولاب اللي فيه الا باب واحد والثاني منكسر , والمرايه اللي نصها مكسوره , شفت دولابي مافيه الا فنيله وحده , فنيلة الهلال رقم 15 , قلت اوكي بكرى راح اكشخ بهن وانا اوريك يالمطخطخ , ان ماخليتك تصملح فيني على كشختي ما اكون انا فاهمني ( --- ينقاله كاشخ الحين , جاء من بكرى وانا اكشخ بهن والبس الفنيله والصروال الابيض والنعول الزبيريه البيض ( -- طقم مع اللباس , ينقالي كاشخ عند المطخطخ ! ...
* * *
تواعدت انا وخوياي الساعه الفلانيه والدقيقه الفلانيه مع الثانيه , علشان اجي قبلهم بساعه , واضبط العلاقات معه , ويصير صقيقي الصقوق ويحبن قبلهم ( --- ماخذها مسابق , رحت لبيتهم لا اقصد قصرهم , الا وطالع القصر كل بيبانهم كبار , وتهورت من البيبان , ما ادري الا ابوزقم جاي معي , الا اثاريه يخطط نفس تخطيطي التسلب , وقف الـ 200 L مضله وكاشخن بالفتحه وعلم السعوديه اللي هو حاطهن , مايدري ان سيارته مخلينه اهل المطخطخ بالحوش يلعبون به وغدانهم , ابو زقم : انت وش جابك قبل الموعد ماتستحي على وجهك , انا: اللي جابني جابك وكل تبن , وقفنا عند بابهم الا ونشوف الكاميرا فوق الباب , قلت تعال بالله صورني وانا اعدل شعري واخم الباب ...
ابو زقم : شكل الكاميرا اللي فوق تكشف اللي واقف عند الباب (تذيرب وصر رجال لا تفشلنا عند المطخط ) , ماندري الا صوت طلع تفضلوا , وانفتح الباب من دون مانطق ( ابووك تكننوجيا ) , دخلت وسلمت عليه وانا اقوله ياخي قسم بالله اني اول ماشفتك حبيتك والحين يوم شفتك حبيتك اكثر (كتبت هالكلمتين بورقه قبل لا اجي علشان لا شفته اقوله له ) , المطخطخ شفته كشر بوجهه , انا بيني وبين نفسي افا وش فيه , الا اثاريه شام عطري ليمون شاري من بقالتنا وينقالي كاشخ فيه , قالنا تفضلون ونجلس انا وبو زقم , ابوزقم : اقول فاهمني عنبو حيك انت الظاهر متروش بالعطر , بعدين وش فيه وجهك زاين وين ذاك الجروح اللي على وجهك , انا : اي قبل لا اجي رحت للحلاق سويت تحسينات , ابوزقم : وعععععععععع مالت عليك انت يبيلك عملية تجميل من راسك لرجلينك , وانا طالع ذاك الرخام اللي تشوفك وجهك من نظفه ودي لو آخذ لي وحده واخطه بغرفتي انظف من المرايه اللي عندي ..
قمت من ابو زقم , ابي احاول اني ما احتك فيه قدام المطخطخ علشان مايقول اي هذا شكله مثل تفكيرهم , وانا جالس ادور بالبيت الا اشوف الكاميرا بالصاله , وانا اطفق صبع اييييييييييييييييي هذي اللي يشوفون الناس اللي برى ( امحق تكنننوجيا ) , اوما لو بيتنا كذا تسان احط اخوياي قدام الكاميرا اللي برى , وكل من دخل بيتنا اقوله تعال شف هالشحاذين كل يوم جايينا يشحذون وانا ما اعطيهم وجه ( --- يتخيل انه ولد نعمه ,الا اشوف واحد مدخل وجهه ع الكاميرا الا هذا وزل الطبنجه , جالس يشوف هالكاميرا اللي عند الباب , دخل وجلسنا نسولف والخدم حوالينا وانا جالس رافعن كتوفي بس آمرهم ( اول مره احس اني قوي ) , واحنا نسولف ماندري الا صوت واحد طايح عند الباب , طلع له المطخطخ الا شيبون متزلق من الرخام ماهو متعود , وصرفه بحركه كنه يسوي حركات رياضيه ويسوي ايطالات ...
* * *
[co]ماسكتن معي رياضه , المطخطخ : مالقيت تسوي رياضه الا هنا , شيبون : اي والله مسكة معي رياضه هالحين , آبو ابوه فشلنا يوم دخل لا بس الثوب الشتوي وسروال الرياضه طالع من تحت لونه اصفر وكنادر كوره والخصلتين اللي من يوم عرفته لين الحين حاطه , دخل علينا وقال هاي < انا احلف حلف انه احد معمله وطول الطريق جالس يحفظه , وسلم ع الخدم قبلنا التفت علينا وقال عز الله ااني اليوم جالس مع ناس كشخه مو أنتم , ( مايدري انهم خدم )
* * *
راح المطخطخ ورجع لنا وقال يالله العشاء , وقمنا وكل واحد ينط ع الثاني من العجله واللي يكفخ الثاني كل واحد يبي ياصل قبل الثاني , وندخل صالة الاكل الا ذيك الطاوله وبوه ماتشتهي الانفس , ذ1ك الجو الرومانصي والانوار الهاديه والشموع ع الطاوله , ابو زقم على طول راح للشموع وينفخهن الا ماتطفي انقهر وطفاه بيده , المطخطخ : يآآآآآآآآآآآآآي شلون طفيته , ابو زقم : عادي دعسته بيدي وطفيتها , مايدري المطخطخ انه لو يبي ياكلها كلاها من زينه ! , وانا من زود الشفحه على طولا خذيت لي صحنين والثالث بفمي حاطه , الطبنجه وشيبون جالسين فوق الطاوله واليدين تشتغل مكايين فوق الطاوله مو بطاوله اللقمه بفمه واليدين مليانه آكل , اوما المطخطخ حط المنديل على صدره وخذا الشوكه والسكينه جلس ياكل بذرابه , وانا آخذ لي الكوب اللي ودي اصور معه من زينه , ذاك الكوب الطويل ومحوط عليه قشرة ليمونه , الليمونه كليتها , وانا اشرب اشفط شفط , وودي لو خلص اصور معه بس اني مستحي ( زين اللي استحيت ) ..
***
خلصنا العشاء ورجعنا للمجلس , وانا براسي الا بكل زوايه اصور وانا القى ذاك الابجوره وانا ودي اخمها واخلي احد يصورن , وافكر ودي ابخشش حدا هالخدم علشان يصورن , يوم شفت انهم لاهين يسولف عليهم المطخطخ ويضحكون ( طبعن الضحكات كلها متصعنه مجامله له ) , رحت حدا هالخدم وقلت بالله صورني وعطيك خمسه , ضحك علي الخادم وقالي خمستك خلهك ( الله آبوك فسقت ) , مايدري ان هالخمسه بطلعة الروح ماخذها من ابوي لها يومين بمخباي وكاتب عليها مع تحيات فاهمني , علشان كل من شافها يقول فاهمني معه خمسه , انا : بلا منتك يالتسلب , خلني انا اصور روحي يوم صورت وانا بجنب الاباجوره الا سمعوا طقت الكاميرا وهي تصور , الا اطالع ذيك النظرات من الدشير واقرا عيونهم وش تقول /
شيبون : يارب انك وانت تصور يطلع لك داب من الاباجوره ويذبحك
الطبنجه : لا وجه ولا اخلاق , كلها تفشل زودن على هذا فشلنا قدام المطخطخ
ابو زقم : انا ما ادري من زين وجهه يوم انه يصور
انا : كر كر كر لا والله بس جالس اجرب كاميرتي
المطخطخ : ماحصل الا كل خير هههههه عادي وش فيها ( تلقى بقلبه يقول شي ثاني الله آبوكم قراوه كنه اول مره يشوف آبجاوره ) , شيبون : يعني حبكت تجرب كاميرتك الحين ؟! كم مره وانا اقولك لا تحاول انك تنصب , المطخطخ : والله ياعنديلكم فلم على كيف كيفكم بس اصبروا اخلي واحد من الخدم يجهزه لنا ونروج نشوفه , الطبنجه : وش نوع الفلم ( الله آبوك يحسب كل الناس مثله دشير ) , المطخطخ : رومانسي , انا : اي اعرفه مره انا شفته قبل كم يوم ياهو فلم ( -- يحسبه اسم الفلم , شيبون : يالله انا ماشي تصبحون على خير , المطخطخ : وين تونا , شيبون : لا بس ابوي مايحب اني اتاخر ( --- ينقاله يخاف عليه وهو مادرى عنه , المهم كلنا سرينا وكل واحد راح على بيته وكانت ليله من اجمل اليالي خصوصا اني شبكت واحد واصل , يمكن انه يحبن ويوظفن عنده حارس امن بيتهم ( --- العن اوم الطموح ياشيييييخ .. وكل واحد راح لبيته ...
* * *
آهم مافي القصه اني صورت مع الباب والاباجوره وبعلقها بصالة بيتنا , والثانيه بخليها بغرفتي , وطول الايام كل شوي اتفل عليها وامسحه بفنيلتي , ومن بعدها كل سوالفنا ع العزيمه انا والدشير اللي معي , وهذا وصلى عليه وسلم , مع حدث جديد ..
خلاصة القصه / * حاول انك لا تماشي طراطير مثل اللي معي وماش مطخطخين
* لا شفت لك مطوع لا تمثل انك ملتزم مثله لان مع الايام راح تنكشف
* لا تكرفست على خشتك حاول انك تسنك تسوي رياضات على الخفيف ( اطلق تصريفه ) ..