على رمل الحب هايــم أداري الهم و أحزانــي
و أناجي موجه الهايــج يداعـب كل حسراتــي
الا يا بحر ليـش اليوم حبيبــي راح و خلانــي
سهيــر بليلــي المظلم و عينــي تهل عبراتــي
وش اللي ابعد الصاحب بعد ما كان يهوانــي
وش اللي مسهرٍ موقـي و فوق الخد دمعاتــي
رحل و اجفى عن فوادي و بعد الحب أشقانـي
وحيد(ن) ساهر و مالـي وليف بكل سهراتـي
الا يـا ليلــي المظلــم،، الا يـا مجـدد أحزانــي
أشاكيك بـ {هموم القلب} و ما تخفيه وناتــي
الا يا الصاحب الغالــي،، الا يـا كـل خلانــي
رحلت ولي بقى حزنك صداه بصوت نبراتــي
أنا بعدك **يـر القلب و همــي صار عنوانــي
من اللي يعطف بحالي؟ من اللي يجمع شتاتي
بغيت الهم بي يرحــل و لكن عانــد و جانــي
وبعد الهم وش بقى؟ وش اللي بحبك الآتــي؟
و كل اللي طلبته منك تروف بقلبك الحانــي
و انتـه للأسـف مبعـد و لا همتـك نظراتــي
رجيتـك تنتظر لكن رحلـت و خنت يالجانــي
نعم حطمت لي قلبي و لكن شوف وقفاتــي
وقفت و شوفنـي راحل و لا بعود لك ثانــي
أنا مثل الملك أمشي.. وثقت بكل خطواتــي