أ / انتي ياهيه ..وين شماغي ... ( والمشكله الشماغ جنبه الله لا يعمينا )

ب/ بروح اكشت مع اخوي ..... (الله يلعن بليس أحد يكشت مع أخوه )


ت / تراني بتأخر اليوم .....( ماجبت شي جديد متعوده الحرمه )


ث/ ثواني وانا عند الباب ..اجهزي ( ولا يجي الا بعد ساعه وهي ملطوعه عند الباب..)


ج/ جاي تعبان من الدوام ماني فاضي لك ( كأنه مايشتغل الا هو وما يتعب إلا هو )


ح / حريم مايجون الا بالعين الحمراء ... ( جملتهم المفضله )


خ/ خذي اولادك وفارقوا عني .. صجيتوني ( كنهم اولادها لحالها )


د / دوري احد يوديك ويجيبك ..( وانت وش شغلك )


ذ/ ذيك الصيفيه مسافرين هالسنه مافيه.. (تلاقيها ماسافرت الا من 4 سنين)


ر/ راتبك مانزل ياعمري .. ( توه يجي الكلام السنع يوم نزل الراتب)


ز/زيدي العشى ترى اصحابي كثروا ..( والعشاء استوى وخلص وشلون تزيده )


س/ سيارتي خلص بنزينها وماعندي ..عندك سلف ( سلف ومايرجعه؟؟كيف تصير هذي )


ش/ شيلي الاغراض شوفيها عند الباب ( ليش ماتشيلها انت )


ص/ صديقي بيسافر برى بروح معاه ( خايف عليه يضيع والا وشلون )


ض/ ضايق صدري ..ضايق صدري ..كل مادخل للبيت ( وهو عند اصحابه ضحكه واصل للبيت )


ط/ طالق ...طالق ...طالق >>هذي ان خربت الاخلاق عاد هههههههههههه


ظ/ظالمتني ياقلبي والله ماغازلت >>> فضح نفسه خخخخخخ

غ/ غالي هذا ..شوفي غيره ..( طيب جامل قول شوفي احلى )


ف/ فلاااان تزوج على زوجته ثانيه ..( يلمح الرجال ؟؟)


ق/ قومي بلا دلع ..مافيك الا العافيه ( وهي ذايبه من التعب )


ك/ كل كلامه هواش مااااعنده تفاهم (اللي يشوفه يقول مافي رجاال الا هو )

م/ معزوم في الإستراحه (عزومه و عزومه اللي كلها لعب بلوت )


ن/ ناااااادرا ماايشكرها على شي سوته ( ظالم وربي)


هـ / هيه ..انتي >طبعا هذا اسمها في الاماكن العامه ( أحلىى إسم )
عاد اذا قال هي انتي كل الحريم تدور له وش هالفشيله مع هالرجال هههههههههه المفروض يرقموهم هي انتي واحد وهي انتي 2 و..... هههههههههههه

ل/ ليش ماتسمني شوي ..وان سمنت قال ..وليش ماتنحفي يادبه ( خير هي لعبه ان ضغطت زرار سمنت والا نحفت )


ي/ يااااااجمال هالمذيعه ( ياخي استح على وجهك ؛؛ ياخي استح على وجهك من زينك أنت وخشتك الحين)