مجالس وعدي - عرض مشاركة واحدة

16-04-2008, 04:25 AM

صباح السكر ياحلوين ياحلوين
ودي اكتبلكم معاناتي شخصيا لأني مالقيت احد اطلع له اللي في صدري غيركم عشان كذا ابيكم تفتحون لي صدوركم
يوم الاثنين الماضي مو الي راح الي قبله
طبعا قمت كالعادة الصباح بدري بداوم بالكلية ولاتسألون عن يوم الاثنين دايما احسب له الف حساب لان الدوام من الصباح الى المغرب متواصله لا فطور ولا غداء
المهم داومت وكل شي تمام ويوم جات المحاضرة الاخيره قال الدكتور اختبار من 30 درجه (قالهم عن الموعد قبلها بشهر ) ومحسوبكم كان غايب ولا يعرف احد في هذي المحاضرة بالذات
وكانت النتيجه صفر من 30
وقلت ماشي يمدي اعوضها واطلع مهلوك ابي البيت
الا والجوال يدق الحق جدتك توفت وبيصلون عليها العشاء
طبعا المسافة 200 كيلو يعني ساعتين او اقل بشوي
قلت : يمدي الحق عليهم
وانا امشي طبلون السيارة ولوحدي وفي نص المسافة الا والتفتيش وياخذون الرخصة والاستمارة قلت قسيمه ماشي قالوا لا التوقيف
ياناس ياعالم مافي احد يرد عليك والسيارة تنسحب على الحجز
واجلس بالتوقيف الى الفجر
لا فطور ولا عشاء ولاغداء ولا نوم فوق ذلك
وش رايكم في هذا اليوم الله لايعوده (مدري انا صبحت في وجه مين )
اعذروني وارجو تتقبلون مني