((جرٍح إنسان ))
بسم الله الرحمن الرحيم
أحببت ان اكتب لكم احداث قصه من مجتمعنا قصه واقعيه وقد مر فيها اشخاص من مجتمعنا
قصة ماثره بكل حرٍف كتب فيها كتب جرح انسان قصة فتاه اسمها (اماني)
أبداء بمقدمتي واسترسل حديثي للقصه التي انا من كاتبها وارجو ان تنال إعجابكم
*****************************
أصوت الغناء ترن في مسامعي أحدث مصوره في مخيالتي أكتبها بدموع عيني
أصوت البكاء باقيه على صداقتها معي وما يحمل الحزٍن من كلمات ولوعات وإهاتنا
ومن أبياتي ماكتبت من أحساسي ومشاعرٍ
وعطفي لتلك الفتاه
كيف الحب كيف الهجران... فكرت فيني يوم لك وفيت
خساره انك من البشر انسان ... وخسارٍه أني لك وفيت
**************
أماني فتاة بعمرٍ الزهورٍ تدرس في الصف الثاني ثنوي جميلة الشكل والابتسامه فجسمها جميل جدن
فهو متوسط حلم كل فتاة ان تصبح بمثل جسم اماني فهي ذات بشره بيضاء ذات الشعرٍ الاسود الطويل
وكانهو سواد اليل وابتسماتها كبرق السيف صبوره محترمه الكل يكن لها الاحترام والمحبه فهي محبوبه
بين الجميع القريب والبعيد فهي تعشق الشعرٍ وتحب الاطفال لديها اخونها الاثنين محمد ونواف
محمد يبلغ من العمر 24سنه ويدرس باكلية المعلمين بالرياض
وهي اخر سنه له فيها وهو شخص متعصب قليل وذات شخصيه قويه
جميل الشكل مملوح اما نواف الوحيد والقريب من اماني اكثر عاطفي جدن ميول لحد غير طبيعي للانحراف
شكله جميل وحليوه الولد لو سالنا محمد وش تتمنى قال ودي اصير مثل جمال نواف
عمره 19 سنه يدرس في ثالث ثانوي ولها ايضاً صديقتها الوحيده اسمها موضي وهي فتاه منحرفه
تموت بنواف التمايط وسعد الحارثي لكن طيبة القلب تتاثرٍ بسرعه وتصدق على طول اي شي يقال
جميله جداً قصيرة الشعرٍ سمراء مملوحه وفيها غمازتني تجنن عمرها مثل عمر اماني
***********
(( الجزاء الاول ))
في الصباح الجميل من صباح يوم الاربعاء الكل يخرج الى اعماله فـ الرياض يزدحم بالسيارات والناس
في بيت ابو محمد
ابو محمد بصراخ قوي: وين العيال تاخرنا
أم محمد بخوف من ابو محمد : هذول هم جاين الحين يلبسون وينزلون
أماني وهي نازٍله من السلم وتصفق ومستانسه :يمه يمه اليوم أحلى يوم عندي الاربعاء وبكره عطله
وبنطلع لخالتي اليوم وناسه
أم محمد : يصيرٍ خيرٍ انشاءالله بس شدي حيلك بمدرستك
محمد يدخل متعصب : يمه وين الملابس لا اسوي بالشغاله جريمه
أماني تبي تنرفزه تموت بعصبيته ومنقهره منها الي مالها داعي:هذا الي انت فالح فيه هههه
محمد وهو معقد حجاجه : هيه بنت ياهبله احد كلمك انتي ولامشتاقه لتسطيرٍي
أماني وهي برووود إعصاب: احب اتلايقف عندك مانع
محمد وصل عنده الضغط مليون : لا ياشيخه ليكون اصغرٍ عيالك انا انقلعي بس
ام محمد تقاطعهم : يالله انتم روحو البسو لايشوفكم ابوكم بسرعه تراه معصب
يدخل في هذه الحظه نواف الي يغني يانار شبي من ظلوعي حطبكي طربق طربق
نواف: امونه خيتووه وش رايك بصوتي بالله مايجنن
أماني وهي تتغزل بأخوها عشان تقهرٍ محمد: فديت هالصوت ياربي احسن من صوت بعض ناس
محمد يكتفي بالنظرٍ لكن نظرٍه فيها شويت عصبيه
ام محمد: يالله تاخرتو امشو للمدرسكم
محمد ونواف واماني : يلا يمه بنروح توصين شي
ام محمد وهي رافعه يديها للسماء : يارٍب تخليكم لي .الله معاكم ياعييالي
ابو محمد ينتظرٍ اعياله اماني ونواف عشان يوصلهم
وهم طالعين من الباب محمد كان يشغل سيارته عشان يروح
اماني تبي تقهره تكش عليه:كش عليك وش هالسياره المخبطه ياشينها وياشين الي ركبها
محمد وينظرٍ بدون ماتسمعه وش يقول يتوعدها بس يرجعون ان يوريها شغلها
ابو محمد : يالله انت ويها امشو
نواف واماني : سم يبه
ويركبون السياره :وصلت اماني للمدرسه قال لها ابوه: محتاجه شي اماني
اماني : سلامتك بابا
هنا نواف ينظرٍ فيهاويقول: وش بابا ذي وانتي وش كبرك وطولك كش عليك
وتسكرٍ باب السياره وتروح للمدرسه واذا بأصديقتها موضي تنتظرها كالعاده
تصافحه وبوسه ع الخدين < منين تريد ابوسك ياحلو
موضي : كيف حالك يالدبه
أماني : حرام عليك مو دبه , تمام انتي شخبارك
موضي وهي تضحك لكن ضحكه مصطنعه : بخيرٍ الحمدالله
اماني وهي حاسه ان صديقتها فيها شي ومكدرٍ عليها : وش فيك مويض < تدلعها تسذا
موضي وهي متوتره شوي : بعدين بعدين اقولك
هنا اعلان جرٍس المدرسه عن إنطلاق يوم دراسي جديد ودخل الجميع الفصول
******
محمد يدخل الكليه واذا بصديقه ابراهيم ينتظره
محمد وهو يعطي صديقه إبتسامه : هلا برهوم ؛ يدلعه تسذا هههه
إبراهيم وهو يبادل محمد الابتسامه : هلا فيك وش فيك مدوخ < اي ليش منت على بعضك
محمد : تعرف السياره وقهرها وما باقي الا اسبوع ع الامتحانات
إبراهيم :هانت انشاءالله ما باقي شي وتوظف انشاء وتطق سياره جديده < حلم كل شاب يتوظف ويطق سياره
محمد :انت ماتدري ان ابوي متكل علي تعرف نبي نشتري ارض ونعمر لنا بيت
إبراهيم وهو يناظرٍ بساعته : اقول مشينا تاخرنا ع المحاضره
محمد : ايوالله مشينا يالله
ويذهبن سريع للمحاضره < حلوه يذهبن
******
نواف وهو بالفرصه < اي ماتعرف بالفسحه والي نايم يصحى:احمد تعال نروح نشتري شي نشربه
أحمد : ابشر يالله مشينا
نواف بمكرٍ ونظرٍه برئيه مصطنعه : اليوم ترا عليك تباشر لنا
أحمد يتأفف : كل يوم ابشرلك يالله الله يعين < لجل عين تكرم مدينه
نواف : اقول امش لا اشوتك < فوق شينته قوة عينه
احمد : يلاا يلا بس لاتعصب
*********
ومرٍ اليوم الدراسي ع الجميع الساعه الان تشيرٍ الى الوحده ظهراً بتوقيت العاصمه الرياض
أطلاق جرٍس المدرٍسه عن إنتهاْ يوم دراسي وإبتداء عطلت الاسبوع بعد خروج أماني من المدرسه
أذا بـ موضي تقول لها وعلامة الحزٍن ترتسم على وجهه :انا متضايقه حيييل يا أماني
أماني بحيرٍه وإنتبه أكثرٍ : خيرٍ سلامات وش فيك
موضي وهي منزله راسها تحت وتلعب بخصلتها : لاتهتمين اليوم اربعاء واحلى يوم عندك مابي أخرب فرحتك فيه.
أماني بمكرٍ وخوٍف شديد ع صديقتها : انا أحلى يوم عندي بس صدقيني اني لازم اعرف وش فيك حتى ارتاح
موضي : انا يا اماني إنخطبت ..
أماني بفرح : مبروك مبروك والله مو مصدقه
موضي رفعت حاجب وعقدت حاجب : بس يا اماني انا مابيه
أماني وعلامات الاستفهام تدور فوق راسها : ليييييش؟
موضي : انا ابي واحد مثل مو رسمته في خيالي يكون فارس إحلامي < للحين البنات تفكر ان احد يجي على حصان ابيض
أماني : على كيفك إما عاد ذي كثري لي منها < ولاتنسي الشطه
موضي : انا ابي واحد يعرفني أحبه يحبني مو خبط لازق وع العميان< تفكر ان بمصر
أماني بضحكه قويه : ليه وإيام الخطوبه عندك تعرفي عليه اكثرٍ هههههه
موضي : اماني ماودك انه يجي يخطبك الي يحبك وتحبينه
أماني بتفكيرٍ : وش حبه وخربيطه الي كاتبه الله بيصير لو وش مكان
موضي بذهول : غررييييييبه!
اماني وهي تلعب بخصلتها : ماغريب الا الشيطان
موضي : على العموم انا بجيك يوم الخميس وش نظامك < يعني وش جدولك بالعطله الاسبوعيه
أماني تفكرٍ : ياربيييه مدري بس بدق عليك وأقولك .. اليوم بروح لخالتي مع امي
موضي : أوكي ياحلوه إنتظرٍ إتصالك .. يلا مع السلامه
أماني : مع السلامه ربي يحفظك
************