هات همّك هات غمّك يرْحمْ امّك
هات مابك مجْمله لعيون عينـك
اعطنيها لنّ دمّـي هـام دمّـك
مدّها لي لاجل ضحكه من جبينك
يالغلا سبحان من بالعيـن تمّـك
جلّ ربّي بالغلا ماحْـدٍ وزينـك
طلْت قلبٍ ميّتٍ في نول جمّـك
حشْت لبّه واصبح بملْكة يمينـك
لعْن شيطانك وهمْك ايـه همْـك
صار همّ اللي ترجاك بحنينـك
عايشه لين الجوارح جتْ تئِمّـك
كلّ ابوها تنْتِظـرْ مـدّة يمينـك
هيه ياكلّ الغـلا ياحـظّ عمّـك
وياهني الخال لا ساءلْك وينـك
وياهنيّ اصْغيّرٍ بالشوق ضمّـك
والله اني باحْسده لاشاف زينـك
باحْسده لامنّـه ابْشهْقتْـه شمّـك
واحْسده لاحطّ خدّه بيـن تينـك