الســـــــــلااااااام عليـــــــكم..
أوووووووول شي أقول لكم"أنـــــا مجنــــــونــــــة أنــيمـي",,,
ههههههههه والله شفت أنميااات بالعشراات .. بس أحسنها أنمي أسمه" ون بيس"...
هذا الأنيمي لااااا يفوتكم.. والله خسراان الي ما يناظره...
لعشااق الأنمي.. أنا بقدم بحث عن" ون بيس" ..
وبحااول قد ما اقدر أكتب معلومات عنه.. وأنشا الله يعجبكم...
------------------------------------
المقدمــــــــة**
هذا المسلسل يتكلم عن قرااصنه وبحارين يعني عن البحر ككل..
أبطالنا هم قراصنه.. لكن مب أي قراصنه!!..
الأسطورة في هذا الأنمي:
كان فيه قرصان حصل على كل شي في العالم"الشهرة-الثروة-النفوذ"..
كان قرصان ولا كل القراصنه.. أخذ كل كنوز الأرض..
بس!
أنتم تعرفون أن كل قرصان لازم يعدم!! مهما طاال الزمن!
هذا القرصان" جولد روجر".. في يوم من الأيام بعد ما أخذ كل شي يبيه..
أمسكوه" القوات البحرية" بيعدمونه قدام الناس!
كان يمشي لمنصه الإعدام بكل ثقه! مب كأنه رايح لموته!
جلس فوق المنصه.. والناس يتطلعون له..
جا واحد من الجمهووور وقال بصوت عاالي" هيه .. انت .. جولد روجر.. وين حطيت كنوزك ومجوهراتك ؟؟ وين وزيتها؟؟"
قال واحد من الجنود الي بيعدمونه بعصبيه" أنت أسككت!!"
قال الرجال وما عليه من الجندي: الكنز الي وزيته بذاك المكان.. وينه؟؟ كنز"ون بيييييس"!!
قامت الهمهمه تدوور بين صفوف الجماهير..
أما جولد روجر ضحك: ههههه.. كنوزي؟؟ تبونها؟؟ طيب بعطيكم إياها.. تلقونها بذااك المكاان..
وقبل ما يكمل جملته.. أخترقت الرماح صدره..
بس الصدمه..أنه كان مبتسم!! إيه مبتسم وهو على شفا حافه الموت!
دام الجو سكووت ما قبل العاصفه..
بعدين..
تعااااالت الصرخااات والأفراااااح والدمووع بأنتهاء حياته..
بس أنه ترك أثر على المكان الي وزا الكنوز فيه!
وبعد هذي الحادثه بدت تتشكل فرق القراصنه عشان يروحون عند أعظم بحر!
البحر الأزرق!"الخط العظيم" هناك موزي كنز ون بيس..
لكن الأمر مب بهذي السهوله! صاروا الناس يروحون وما يرجعون! أخطار عظيمه.. ما أحد يتصورها..
وبعد كم سنه من هذي الحادثه.. كان فيه ولد صغير.. يحلم بأنه يصير قرصان..ويجمع أقوى طاقم عشان يروح الخط العظيم .. ويصير "ملك القراصنه" وهذا اللقب يطلق على من يحصل على هذا الكنز العظيم..
كان عمره تقريبا وعلى حسب علمي(17سنـــة) تخيلوا!!
وبدت المغااااامرة
-----------------------------------
الشخصيــــــاااااااات**
1- monkey-d-Luffy
هذا هو البطل.. مونكي دي لوفي.. هذ الولد عمره 17 سنه.. أبحر في المحيط... يدور عن طاقم قوي له.. بس هو يتمتع برووووح مرررحه.. ويضحك .. ويحب الأكل بشكل مب طبيعي"طالعه عليه ههههه" وخصوصاً اللحم.. مع كذا عنده قوه عجيييييييبه ..!! لأنه أكل"فاكهة الشيطان" وهذي الفاكهة تعطي لصاحبها قوه ما تتصورونها.. منها الي يملك قوة النار.. والماء.. والجليد.. والكهرباء.. والتمدد.. والإختفاء.. الخ الخ.. أما لوفي أكل وحده بالغلط.. وصارت عنده قوه التمدد.. يعني يقدر يخلي جسمه زي المطاط بأي وقت يبيه.. لكن عيب هذي الفاكهة انها تخلي صاحبها زي المطرقه في المويه.. يعني يفقد كل قوته في المويه!! وكان يحط فوق راسه قبعة قشيه.. يعتبرها كنزه.. لانها هديه غاليه.. وعد صديقه "شانكس" بأنه يحتفظ بها لما يقابله ويصير ملك القراصنة!!

---------------------
الشخصيه الثانيه:
2-Roronoa Zoro..
هذي الشخصية يا نااس فـــله.. هي ثاني أحب شخصيه بالنسبه لي.. صحيح أنه بالحلقات الأولى يكون عصبي ويهاوش كثير.. لكنه من جوا طيب قلب.. ويحب يساعد الناس.. وهو مع الغرباء شديد الحذر.. وما يثق بهم من أول نظره.. أما مع أصدقائه فهو غييييررر .. يضحك ويناقر.. وكلش.. يحب النووم..تقريبا ثلاث ارباع يومه نوم.. ههههههههه.. حلمه أنه يصير أقوى مبارز بالسيوف في العالم!! كان هذا وعد .. تعاهد هو وصديقته القديمه يوم كان صغير أسمها" كوينا" .. له ماضي مؤلم هو وباقي الشخصيات .. بس أنا منب قايله لكم.. ودي تشوفونه بنفسكم.. هع.. المهم زورو ما يبارز بسيف! ولا بسيفين! أكيد تقولون وش يبارز به ذا؟ هذا يبارز بــــ 3 سيووووف! ثنين بيدينه وواحد بفمه! أدري الحين بتضحكون هههه.. بس تراه مب هيين ويعرف يستخدم هذي الخاصيه"سانتوريو" السيوف الثلااثه.. ما يقدر يحقق حلمه الا إذا هزم رجال واحد!" عينا الصقر ميهوك" ميهوك أقوى مبارز وهو واحد من الشيبوكاي" السبعه الاقوياء" بارزه في أحد الحلقات"23" لكن ميهوك هزمه بكل سهوله! وزورو وعد لوفي أنه ما يخسر أبدا إلييين ما يحارب ميهوك مرة ثانيه..وكان عنده سيف من السيوف الثلاثه.. هو بعد يعتبره كنزه! كان هذا سيف "كوينا" بتعرفون ليش أخذه لما تتابعون الأنمي.. منب مطوله عليكم ننتقل للفرد الثالث..------------------------------------------------------------------
3-Nami..
هذي الشخصيه هي بنت.. وعمرها زي عمر لوفي.. 17 سنه.. نامي ماهره بالسرقه.. كان لها ماضي محزن بعد.. وكانت تسرق القرااصنه.. لما جا لوفي وضمها لطاقمه.. ( للعلم كل فرد له قصة خاصه به) .. تحب الفلوس والخرايط والبرتقال.. هي كانت تحاول تجمه 100,000,000 بيلي..!! عشان فيه واحد من الأشرار.. أستولى على قريتها وقتل من ربتها.. وقال لها: منب محرر قريتك الا إذا جبتي لي مئة مليون بيلي!! تخيلوا! بنت عمرها 10 سنوات تجمع هالمبلغ.. وصارت تجمع فلوس وتسرق من القراصنه الذهب حقهم وكان لها أخت بالتبني.. وهي مسكينه 7 سنوات تجمع لين حصلت المبلغ تقريبا لكن "آرلونغ" الشريرالي أستولى على القرية سرقها من دون ما تدري أنه هو الي سرقها وقال لها" وين المبلغ؟" يعني لعب عليها عشان تجمع الفلوس مرة ثانيه! لكن لوفي واصدقائه جا وخلصها هي وقريتها"كوكوياشي" منه!طولت في شرح ما ضيها.. لكني بدخل بشخصيتها. هي ضعيييفه قداام الفلوس.. وتبيع كل شي عشان الفلوس.. لكن مع كذا تحب أصدقائها بقووه.. يعني لما يخيرونها بين الفلوس وبينهم.. أكيد ومن دون تردد تختار أصدقائها.. وعندها شخصيه متسلطه .. يعني كأنها الكابتن..هههه عشان لوفي أبد ما يصلح يصير الكابتن ماخذ الموضوع كله مزح خخخ.. وهي بعد شخصيتها مرحه وحلوه..وحلمها أنها ترسم خريطه للعالم!ونسيت أقول لكم أنها هي البحارة.. وتقدرون تقولون أنها أحسن بحارة.. أو ملاّحة.. لان عندها حس بالرياح ومتى توقف. يعني شي خطيرررة!
--------------------------------------
الشخصية الرابعه
4-usopp
هذي الشخصيه "يوسوب" مررة يضحك وما عنده ما عند جدتي.. بس أنه فنان في التقنيص.. وهو الرامي في الطاقم... يعايرونه" الأنف الطويل" عشان خشمه طويـــــل... ومع أنه قنّاص بس أنه أكبر كذااب بالعالم ههههه.. كان يعيش بقريه فيها عائله غنيه تعيش بقصر.. بس العائله كلها ماتت ما بقى منها الا بنتهم"كـايـا" كانت مررة حزيينه ومرييضه بسبب موت أبوها في حادثه..بس هو كان يطل عليها من الدريشه ويألف القصص عشان يونسها بوحدتها.. كان طيب قلب.. بس خوّاف.. بعدين لوفي ضمه لطاقمه بعد قصة طويله.. حارب فيها واحد شرير يبي يسيطر على القريه.. والمصيبه أن هذا الشرير كان قرصان قديم والحين يسوي نفسه خادم عند "كايا" عشان ياخذ الورث..وحلم يوسوب أنه يصير محارب البحر الشجاع.. يعني يصير محارب ما يخاف من شي..
-------------------------
الشخصيه الخامسه
5-Sanji
سانجي كان يعيش في مطعم في نص المحيط.. مع واحد "رئيس الطباخين" عمره"100" سنه.. لكنه قووووي ويصطر الي تبونه.. وورث سانجي مهارته في أستخدام رجوله..كان يستخدمها بمهاره.. وما يستخدم يده .. والأهم من كذا كان أحسن طباااخ بالعااالم!! طبخه ولا أروع انا نفسي ودي أروح عندهم أذوق اكله ههههه.. كان ماضيه أكثر ماضي مؤثر..حيث أنه عاش الجووع لمده شهر!وكان عمره 10 سنوات أو 9.. ما اقدر اقول التفاصيل لأنها بتاخذ كل الصفحه ههههههه.. حلمه يلقى "البحر الأزرق" يعني لما تجتمع كل البحار الأربعه الي عندهم" الشرق الأزرق"و"الغرب الأزرق"و"الشمال الأزرق" و"الجنوب الأزرق" والي يفصلهم عن بعض الخط العظيم.. والخط الأحمر.. وهذي البحار لما تجتمع يتكون بحر تكون فيه جميييييع أنواع الأسماك الي تمنى الطبّاخ أنه يجرب طبخها!!!!هو و زورو بس طقاق×طقاق.. مناقر×مناقر.. ههههههه على أي شي تافه علطوول يتهاوشون ,,خخخ
-------------------------
الشخصية السادسه
6-Chopper..
كان "تشوبّر" طبيب.. لكن مب من البشر! كان حيوان.. غزال الرنّه.. بس العجيب أنه يتكلم ويتحول لعده تحولات.. ليــش؟؟ عشانه زي لوفي..كل فاكهة الشيطان.. وهذا نوع من الأنواع حقت التحول.. كان طبيب مررة فنان... وعاش ماضي حزين... بسبب خشمه الي لونه أزرق..ونطقه بلغه الإنسان خلى قطيعه ينفيه .. ومب بس قطيعه حتى البشر لما يشوفونه يتحول لتحوله الي يشبه الإنسان يقولون" وحـش" وكانت هذي عقدته.. وصار يكره الإنسان وكل الناس.. بس في واحد فتح قلبه له" المشعوذ هيلولوك" هذا المشعوذ كان طبيب بعد لكن اي كلام ههههههه.. بس أنه طيب.. ويحب أن الناس يكونون بصحه وعافية! وتشوبر صار صديقه بعد معاناة طويله.. أكيد تقولون تشوبر شخصيته مرعبه! لكن اقول لكم هو مرررة ظريييف وطيييب وخووااف.. وإذا أحد مدحه تحسونه طار السما بس يكابر ويقول: أنا مب فرحان بمدحكم لالا مب فرحان" مع ان ملامحه تبين العكس هههه..ومات هذا المشعوذ! وصار تشوبر حزيييييييين مرة ثانيه.. لكن صديقه المشعوذ.. كانت طبيبه ماهره لكن عمرها"139" ولما الناس يقولون لها "عجوزة" تصطرهم كلللهم خخخ.. وكانت شخصيتها قويه .. وأما تشوبر صار يعيش معها وتعلم الطب منها!!وحلمه يصير أحسن طبيب!
--------------------------------------
الشخصيه السابعة
7-Nico Roben..
كانت روبين... مرأة في 28 من عمرها.. يعني شابّه.. وماضيها غاامض ما يجي الا بالحلقات الي بالــ 278 .. كانت هي الثالثه ماكله فاكهة الشيطان.. وخاصيتها أن يصير عندها يدي كثيرة .. يعني لو كنت أنت قدامها تقدر تستخد خاصيتها وتخلي في جسمك يدين.. وتستخدم هاذي الخاصيه إذا بغت تعزم خصمها بانها تكسر عظامه.. ههه.. هي بعد طيبه وحبوبه.. بس تحب تقرااا الكتب بشكل مب طبيعي وتخلص الكتاب بزمن قياسي... وكان لها جاذبيه رغم عمرها الي تعدا الــ25.. معليش ما عندي كثير من المعلومات عن ما ضيها لاني تووني ما بعد وصلت ما ضيها يعيني أنا وصلت 277 الحلقه!!
-----------------------------------------
أنتهـــــــت الشخصيات الرئيسيه!
أكيد فيه شخصيات ثانيه بتطلع لكني توني ما بعد وصلت الحلقات زي ما قلت لكم.. وأنشا الله تعجبكم القصة.. كان ودي أكتب الشخصيات الثانويه.. لكن ما عندي وقت أنشا الله الموضوع الجاي
والحين بترككم مع الصور..


يتبع بالصور