الســلام عـليــكم ورحــمــة الله وبـركـاتـه
أعجبتني كلمـات هالقصيـدة وعذوبة معانيها فأحببت نقلها إليكمـ
أجْمَـلْ هُـمُوْمِـيْ
مشكلتي أهواك أنا من يوم لاقيتك
لا إرتحت في قربك ولا البعد نساني
أسكنتك بروح روحي صرت أنا بيتك
وأدللك بالمحبه يا أجمل احزاني
اليوم من شوق قلبي كم تمنيتك
وأنا اللي عانيت في حبك وعنـَاني
شربت من هم بعدك لين مليتك
والحزن من كثر ما خاويته أغلاني
تذكر من العمر ياكثر ما أعطيتك
طاوعتك وربي بظلمك تبلاني
أهديتك العمر كله ليت ما أهديتك
أرخصت روحي معك يا أعز خلاني
وش اللي بغيته من عقب ماغليتك
أرجوك قلي وقدر طول حرماني
تذكر الشوق ماعمري تناسيتك
الله يسامح خفوقك ليه يجفاني
لو إن قلبي يطاوع كان خليتك
لكن شلون أبنسى وأنت وجداني
21-12-2006, 12:38 PM
..( أجْمَـلْ هُـمُوْمِـيْ ).. 
