رد رغد بنت صدام على العتيبي

السلام عليكم ورحمة الله وبركاته



الكل سمع بالقصيده التي أرسلها أحد الشعراء ويدعى ( منصور العتيبي) ويطلب فيها يد رغد إبنة صدّأم حسين للزواج واللي تقول كلماتها :


الا وهني من ثبت على صدرة رغـد صـدام
خذاهـا بالحـلال وسنـة التوحيـد وكتابـه

خذاها مبهم الغايـة خذاهـا مابـلاه اعـلام
خذاها منفردا بطيب اعروق الساس ونسابـه

خذاها بنت ذاك اللي رفع راس العرب بوسام
خذاها مهرة تصهل وبنـت حصـان يغزا بـه

خذاها ماثنى رجلة يسـوق الخطـوة القـدام
تقدم يوم قالت تم ايمـوت ايعيـش يحيا بـه

وانا اللي مستعد اقدم لو ازعل معظم الحكام
اسوق الها المهر لو راس تون ابلير ترضا به

مبي غيره ولو قالو عليك امن البنات ازحام
مبيهن لو بهن زين وبنات شيوخ من لابـه

ابي رغد هذيك اللي اتشاهد لحظة الاعـدام
تبسم يوم ابوهـا يقتـدم للمـوت ماهابـه

تبادله العياد ابلحظه الموقـف يجيـه الهـام
تبادله الوداع ابصـوت تفخـر يـوم تبدا بـه

اتقول افـداك يايابـة يابوعـداي يالمقـدام
عليك البيض ياالصامد بدون اقناع واعصابه

عشت بين العرب حاكم متت يا والدي عـزام
عسى هاالكون لك فدوه جميع الناس واحزابه

قويه باس من باس تلازمه الشموخ الـزام
عليها من نعاطيسه كـرات الـدم تسعابـه

أبيها وافصح الغاية لابي سمعـه ولا هنـدام
ولا يلزم جمال ولا عليهـا اقصـور جذابـه

ابي منها ثلاثه بس وكل اغلام يفوق اغـلام
ابي من جدهم حنكه ومنـي هيبـة اعتابـه

ابي في حضنها يرقد حفيـد المعجـزة وينـام
وابي عن جده اتسولف قبل ماينـام يسها بـه

ابيه ان نام يحلم به وتكثـر زخـة الاحـلام
وشوف الصبح في طبعه ردود افعال تشابـه

ابي يكبر على ذكره ويتبـع سيرتـه بحكـام
ابي نفس الشجاع اللي سعيد الغرب بغيابـه

ابيهم للعروبه في ردي الموقف سند وحـزام
ابيهم يفطمون اللـي علينـا كشـر انيابـه

بوصيهم ثلاثتهـم سياسـة جدهـم صـدام
ابحق الغراب لومابه خيانـه جـذت اطنابـه

ابا الاول يحوف الكم سلالة بـوش والاقـزام
يذكرهم حصاد ارواح اهل تكريـت واقرابـه

ابيه اليا انتخت بغداد انا خت الفارس الجـزام
يقول ايوالله اختي لعنبو من يرخص اترابـه

يهز ابسيفه الكرسي يتـل اموسقـه بحطـام
يقول انه خلف جدي وانا اللي منكـم اولابـه

تمركز واسمه الحاكم على الطاعه ولد خصام
يرد الدار عقب العـار علـم بغـداد علا بـه

يجدد بالوفا عهد علاقه بين شـرق وشـام
عضيد الجار له مقدار حريص الذيب لذيابـه

عزيز للعرب عزه حشيـم لا لفـوه احشـام
عقوبه للعميل ايمـوت سـم الـداب دابـه

وباالثاني فتى الاقصى يعوض ماخذاه اعـوام
تصيح اعلى المـأذن بالله اكبـر لاتمثنا بـه

يشب النار فوق النار ويدفن بالنحور اسهـام
يحط الرعب بقلوب اليهـود ويقفـل ابوابـه

ابي صدر العرب يطوي مسافه عاشها منضام
ابيه ايفوز بالتحرير ونصر القـدس يهنا بـه

وباالثالث تحت يمنى مليكي خـادم الاسـلام
عظيم الامـه القايـد ابومتعـب فخرنا بـه

هذاك اللي ليا حامت اخصومه دون داره حام
كفخ صقر العروبه دون شعبه يفتل اشنابـه

ليا بادر يعبر عن قراره فـي رؤوس اقـلام
يكفي هيبته جالس وكلن يحسـب احسابـه

وانا في حب ابوعابد حرم اني اهيـم هيـام
اقبل صورته واطلق حفظـه اللـة لاحبابـه

ابيه أيكون له خادم تحت امره رفيـع الهـام
ايقبل كفـه اليمنـى اوامـر سـم ومجابـه

ابي يحرص على شوفه يحط الزام عقب الزام
ابيه يصير لوربع الزعيـم اللـي يحفا بـه

وهذي منتهى الغايه ولكن قبل اقول اختـام
ابرسـل خـط برقيـه يعـد اللـي نوينا بـه

بدزه عاجل وسري عليه من اليميـن ارقـام
بيانه جمله تبغا الستيمه يمسـك اعصابـه

بجي ياعاهل الاردن تحرانـي خـلال ايـام
نسوقلك المواتر من جنـوب الـدار خطابـه

تحراني عسى ربي يجنبنـي حبـر وابهـام
اما اني جيتكم طالب أونـي ضعـت بطلابـه



القصيده إنتشرت في أروقة النت وفضائاته لتصل إلى أحد موظفي قصر رغد صدّام في قصرها في الأردن فغضبت منها غضباً شديداً


وبعد أيام كتبت رغد هذه القصيده رداً على الشاعر العتيبي


وهناك معلومات بأنها قد تكون هي كاتبة القصيده أو قد تكون طلبت من شاعرها الخاص ( أحمد عزّام) وهو الشاعر الاردني الذي يعيش معها في عمّان عاصمة الأردن




إليكم قصيدة رغد صدام :




رغد صدام تبعث لك , بلا زمطه بـلا أحـلام
شنو إنتا بتخطبنـي؟ ياحيـف النـاس كذابـه

ولك آآنا بِنِِِت صدام ,فخر هاي العرب مقـدام
أخو هدلا , سنام المجد حتى المـوت ماهابـه

وبعد هاي الفخر تبغى أصاهر كوبة الأقـزام؟!
يُبا لو تدفع الدنيا ، مصاهر هيك ما أرضابـه

يُبا احنا أول الأرقام , وإنتوا صفر دون أرقام
حقيقه تزعلك أدري, وهاي الصدق يا طابـه

ترى لا إنتا ولا أهلك يساووا بس نعل صـدام
غريبه كيف صار العز وإيّـا الـذل تتشابـه؟

يُبا مجدي أنا شامخ, مش أمجادك كذب وأوهام
وجاي الحين تخطبني؟! ولد مخبـول وزلابـه

أنا لو يوم أبتزوج مش أتـزوج بهيـك أزلام
إذا بختار راس العز , مـش أذيالـه وأذنابـه

ولك آآنا بنِت صدّام ؟ ولك تعرف شنو صدّأم ؟
يبا لاأنتا ولا أهلـك يسـاووا حفنـة ترابـه












معاني الكلمات

زمطه = هيط بالسعودي ههههه
الطابه = الكره
ولك = يعني ياورع ههه
أخو هدلا= لقب صدام حسين
أزلام = أزوال أو أشخاص


طبع ـآ ما ادري ع ـن مصداقية القصيدة هذي لأني قريت قبل فترة انها وافقت ع ـلى الزواج من منصور .