تبي تنساني انساني

تراني كنت متوقـع تصـدق هـرج خلـق الله
ولكن مـا توقعتـك تسولـف بـي لعذالـك!!
تبي تنساني؟ إنساني.. فداك اللي مضـى كلـه
يجوز أحيا من فراقك مدامي ميِت بوصالـك!!
ترى ما يجحد الواقع سوى خـلٍ نسـى خلـه
مثل ما تجحد عيونـي حنيـنٍ حيـل يظمالـك
مع أني عارف ما أحدٍ يـداوي غيـرك العلـه
أسج بحالي لحالي لجل مـا ينبـري حالـك!!
وأكابر من خطا نفسي وأزيـد الجـرح وأبلـه
وأتحاول في عبث مضحك أدور غير همالـك
حبيبي حتى لو زولي من غيابـك فقـد ظلـه
كفاية شمسك اليا اليوم تنسـج حولـي ظلالـك
تبيني اعتذر؟ (آسف)، ولكن وش هي الزلـة؟؟
تبيني أجرحك؟ حاضر.. أنا همـك وغربالـك
مدام أني سبب دمـع حزيـن ناظـرك هلـه
فعساني يا بعد عيني اجل ما اطري على بالك!!
وإذا قالوا لك إن قلبي من فراقك نـزف غلـه
قل إن: مابه بلى عسـى درب السعـد فالـك
وأنـا والله وثـم والله وثـم والله وثــم والله
لا سوي ما تبي من شان بـس تحقـق آمالـك
ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك!!
ولكم احترامي،،،

<< خشت جو مع الخاطره

الله تجنن الخاطره وانا اقرا اتمنى اني ما اخلصها

مشكوور على الخاطره الرائعه

ننتظر جديدك

تقبل مروري

خويــ العز ــة

الله!!
تهبل!
مرررة دخلت جو معها..
مشكوور يا المشتاق

ياهلا بخويت العز تشرفت بمرورك

حلا بسبوسه مشكوره ع الطله

هناااااااا

قلم يسرق الضوء

من كواكب الح ــرف

لينقل في نبض الكلام

اغ ــنية ح ــالمة ..

بع ــزف الوتر ع ــلى الورق

لتكوّن ج ــملاً موسيقية

تتراقص ح ــولها الفراشات

المشتآق

دمت مبدع ــآ