(( بتوحشني)) قصة حب خيالية رائعة جداااااااا ....لا تفوتكــــــم

[color="Purple"]بتوحشني
الجـــــــزء الأول ..
قبل القصه راح اكتب تعريف بسيط جدا لشخصيات ..
عايلة ابو سعودعياله سعود عمره30 متزوج بنت عمه ناصر وعنده ولد واحد عمره سنه ونص تقريبا(سالم )
بدر عمره 28 توه راجع من برا وحاصل على الماجستير في ادارة الاعمال
عبدالله عمره24 يدرس برا وبيرجع على نهاية السنه
نوف ..اختهم الكبيره من البنات تعرف اخوانها من غير مايتكلمون متزوجه وعندها ولد واحد( احمد)
ريوف..عمرها21 بالسنه الثالثه من الجامعه
ريم عمرها 19 اول سنه بالجامعه )
عايلة ابو خالد..عياله خالد عمره 28 وانسان مختلف والكل يعرف هالشئ دائما قوي بأفكاره واختياراته وصريح ومحبوب
يشتغل بشكرتهم والاهم انه حنون على اهله وهذي ميزه فيه
نوف..زوجة سعود )
(عايلة بو سلطان ..سلطان ..عمره 27 يحب ريوف بنت عمه وتقريبا الكل يعرف انها له يشتغل بالشركه وهو انسان مثقف وواعي وطيب
رغد..عمرها 22 تدرس مع ريوف وهي توأمها وكاتمة اسرارها
عبدالله ..عمره 24 وهو شاعر مبدع واغلب الوقت بعالم ثاني قليل مايطلع مع اهله )
وشخصيات نتعرف عليها من خلا ل القصه
14 / 12 / 1423 هـ يوم له ذكرى جميلة عند عائلة بو سعود ففي هذا اليوم قام كل البيت على صوت سعود وهو ياصارخ بأعلى صوته ينادي امه ..الي جت مسكينه تسرع من الخوف لحد ماوصلت غرفته وحصلته عند باب
سعود ...يمه لحقي علي امل تعبانه شكلها بتولد الحين شسوي
الام قرب السياره وخلي خواتك يساعدونك ونزلوها تحت وانا بجيب عباتي يالله بسرعه
وراحت ام سعود لغرفتها تاخذ عباتها ..
وسعودي ينادي خواته ..ريوف ..ريم تعالوا بسرعه
وطلعوا خواته من غرافهم وراحوا صوب غرفة سعود وساعدوه ونزلوا امل الي مسكينه كان مره تعبانه
ركبت امل وام سعود مع سعود وراحوا للمستشفى وسعود ماعاد يشوف دربه مع كل صرخه لحبيبة قلبه امل يحس وده يطير
حتى يوصل للمستشفى ..والحمد لله الله سهل عليهم وصلوا للمستشفى ودخلت امل غرفة الولاده وتم سعود رايح راد وامه تحاول تهديه
وبعد ثلاث ساعات ..طلعت الممرضه وبشرت سعود انه جاه ولد وسعود من غير تفكير صار يقول .. صرت ابو سالم ..سالم الصغير شرف
وراح وحضن امه وبعدها بنص ساعه حضن سعود ولده الي من غير شعوره بمجرد ماحضنه نزلت دموعه ..
سعود ..آه يابدر لو احكي لك من اليوم لبكرا عن احساسي ذاك اليوم وفرحتي مااقدر لكن هذا اليوم له اهميه عند امنا وابونا وكل العايله
وعقبالك بدر ان شاء الله قريب نشيل ولدك
بدر ..لا وين عقبالك انا توني راد من برا ومحتاج وقت وبعدين الزواج يبي له استعداد وتهيئ وانا توني ماتهياءت
سعود ..اي استعداد ياشيخ عمرك 28 سنه استح على وجهك واخذت الماجستير ووظيفه وتوظفت وشتبي بعد
بدر ..الموضوع التهيئ النفسي لزواج
سعود ..بدر لاتطبق دراستك علي.. ابوك محضر لك مفاجأه الليله وياخوفي من الليله وش بيكون فيها
بدر ..سعود خير لاتقول الوالد بيخطب لي
سعود ..بدر انت عارف ان الوالد مابيخطب لك لان خطيبتك معروفه وهي تنتظرك
بدر ..خطيبتي ..معروفه ..منهي ..؟؟
وقبل مايرد سعود دخل ابو سعود وقاموا العيال لابوهم الي توهم كانوا معه بالشركه وجلس وتموا يسولفون لحد ماقال ابو سعود ..
هايابدر متى بتحدد اليوم الي يكون كل شئ رسمي بينك وبين بنت عمك
بدر من قوة الصدمه صار يناظر ابوه واخوه
ابو سعود ..وراء ماترد يابدر
بدر ..اي بنت عم يابه طال عمرك
ابو سعود ..وشهالحكي يابدر ..رغد بنت عمك الي الكل يعرف انها لك من سنين
بدر ..بس يايبه انا رغد عمري ماشفتها الا يوم كانت صغيره
ابو سعود ..بدر اشوفك جبت مع شهادتك طبايع الغرب ومن متى بناتنا يكشفن على عيال عمهم
بدر ..لا طال عمرك ماهو هذا القصد انا اقصد رغد صغيره ولافكرت فيها زوجه
ابو سعود ..اسمعني وانا ابوك انت رجال وماعليك قصور وبنت عمك شيخة الحريم وتقدم لها رجال ماينردون
لكن بو نواف ردهم عشان يشري قرب ولد اخوه ورضى اخوه العود بنت عمك القريب والبعيد يعرف انها لك لاتهدم
مابنيت بسنين عشان كلام الكتب الي قريته باامريكا
ياابوك انا علمتك وانت قرر واذا نبي رضي أبوك اشر بنت عمك
وقام بز سعود وراح لغرفته ..ولقي أم سعود توها مخلصه من صلاة الوتر وجلس عندها
ابو سعود ..ياام سعود بدر شكله بيسود وجهي قدام اخوي
أم سعود..افا والله ليه خير ان شاء الله
ابو سعود..شكله ماهو رايد بنت عمه
أم سعود..رغد كامله والكامل وجه الله وين بيلاقي مثلهل وبعدين مافيه مكان مالت فيه انها مرت ولدي خل عنك انا
بفهم بدر وان شاء الله مابيكون الا الخير قم نم يابو سعود والك الا العلم الطيب
ابو سعود ..ان شاء الله ..ربك كريم
وبمكان ثاني من بيت بو سعود كان سعود وبدر سعود ..بدر ليه ساكت
بدر ..افكر بهالمصيبه
سعود..لاحول ولاقوة الا بالله صارت مصيبه يابدر انا اخوك قولي ليه ماتبي رغد فيه احد ثاني ببالك ..؟؟
بدر ..لا مافيه لكن من رغد الله يخليك من اكثر من تسع سنين ماسمعت الظاهر صوتها وشلون اتزوجها
سعود ..والله صدق ابوي يوم قال جبت طبايع الغرب اعنبوك من متى انا نكلم بنات عمنا
بدر ..ياسعود افهمني انا عمري ماسمعت شئ عن رغد حتى مااعرف هي كم عمره وايش تدرس
سعود ..ماهي مشكله ناد ريم او ريوف ويقولون لك
بدر ..يعني حليتها يالفالح سعود كل انسان له وجهة نظر يعني عالاقل يمكن انا ابي اتزوج وحده بيضاء وهي سمراء
سعود ..ياتفهك ياشيخ
بدر ..انا اقول مثال لكن ليه تحرموني من اختيار او حتى التفكير بصفات زوجتي ويختارونها لي
سعود ..بدر كلامك منطقي لكن هذي عاداتنا انا عندك اخذت امل بنت عمي ناصر وشوفنا عايشين ومبسوطين
بدر ..الله يهنيكم لكن نجاح زواجك مايعني ان زواجي ينجح لازم يكون فيه اختيار مني وبعدين قبول حتى على الاقل
احس بهذا الزواج
سعود ..بدر لاتطولها وهي قصيره فكر زين وتذكر ان بنت عمك ردت رجال كثير لان عمي كان واثق ان رغد لبدر
ولاتنسى ان سلطان خاطب ريوف وان فيه اعمال وشراكه بين عماني كلهم لاتهدم كل شئ
بدر ..سعود قصدك ان رفضي ممكن يسبب مشاكل بين الاخوان لا عماني فاهمين ولا بيصير شئ
سعود ..اذا انت متعلم وانا وعيال عمك عمانك الكبار مثل أبوك عايشين على العادات والتقاليد والكلمه الي يقولها الرجال يعتبرونها
عهد عليه واعلان برسمية هالزواج وابوك قالها كثير اما مزح او جد ..
بدر ..خير ان شاء الله انا بروح انام والله يكتب الي فيه الخير
سعود ..وين مابعد سهرنا مع سالم الصغير
بدر ..والله ماني رايق له اسهر معه لحالك هههههههههههه
سعود ..بكرا تتمنى ولدي يسليك
بدر ..اشبع فيه ..تصبح على خير
سعود ..وانت من اهله ..
راح سعود لبيته الي بنفس سور اهله وهي مجمع سكني بناه ابوه فيه ثلاث فلل من غير البيت العود لسعود وبدر وسلطان الي بعده يدرس باامريكا ..
دخل سعود وحصل امل وولدها سالم بحضنها تغني له ..
سعود ..الله لايحرمني من الصوته وصاحبه ان شاء الله
استحت امل ..ولامنك يابو سالم
وراح سعود وشال ولده الي بدا يرفع يدينه من
وتم سعود سهران مع زوجته لحد الساعه ثلاث بعدها راحوا ينامون عشان بكرا الجمعه ورارهم صلاة ..وبعالم ثاني كان بدر يفكر بالموضوع الي غير كل مخططاته كان مقرر يتم سنه او اكثر وبعدها يقرر يتزوج لكن ابو سعود
خلى بدر يعيد حساباته ..وظل بدر يفكر لحد ماقرر انه يروح يسولف مع خواته ويعرف منهم بعض صفات رغد
بغرفة ريم كانت ريوف وريم سهرانات وع بعض وسمعوا احد يطق الباب ..
ريم ..مين
بدر ..انا بدر اقدر ادخل
ريم قامت وفتحت البلب ..ياحيا الله اخوي نورت غرفتي
بدر ..الله وشحلاة كلامك يابخته ..
ريوف ..منهو الي بابخته
بدر ..يابخت سلطان بريوف والله
استحت ريوف ونزلت راسها
ريم ..ياحبي لاختي تستحي ..ادخل بدر تفضل
تم بدر عند خواته ويسولفون وفجأه رن تيلفون ريوف ..
ريوف ..هلا والله بام احمد عاش من سمع صوتك
أم احمد ..عاشت ايامك الغاليه ..شلونكم وشلون امي وابوي
ريوف بالف خير ..
أم احمد ..وسلطان شلونه
ريوف ..عندي بدر وريم بحط عالسبكر وكلميهم
أم احمد ..ياحيا الله اخواني والله جمعتكم حلوه تعال بدر خذني
بدر...ههههههه لاماني ناقص ابو احمد بشري الغاليه شلونك وشلون احمد وابوه
أم بدر ..بخير ياوجه الخير ..اجل وين سعود عنكريم ..سعود نايم بالعسل هههههههههه
ريوف وام احمد ...هههههههههههههههههه
بدر رفع عينه على اخته وصار يناظر فيها ..
ريم ..شفيك عادي هو دايم يقول هالكلمه زنقولها له
ابتسم بدر ..لا بس استغربت الكلمه
أم احمد ..بدر متى نبدأ نستعد ان شاء الله
ريم وريوف ..ايه صدق متى بدر بتقرر زواجك
بدر ..اذا الله اراد ان شاء الله ..نوف بكرا بتصل عليك ابيك بسالفه
نوف ..ان شاء الله اتصل بي الصبح يكون احمد نايم
بدر ان شاء الله ..تصبحين على خير
الكل ..وانت من اهل الخير
طلع بدر وراح لغرفته وهو يقول بينه وبين نفسه الظاهر العروس بعد مجهزه ماناقص الا المعرس وضك على نفسه ودخل ينام
والساعه عشر الصبح صحى بدر واخذ له دش ولبس وقبل مايطلع قال خليني اتصل بنوف اكيد صاحيه وفعلا ردت عليه
نوف ..هلا والله بدر شلونك
بدر ..بخير الحمد لله انتم شلونكم
نوف بخير ونعمه ولله الحمد ..
بدر ..نوف انا مابلف ولاادور انا بقول لك الموضوع مباشره
نوف ..سم يااخوي تفضل
بدر ..نوف انتي اقرب خواتي لنا كلنا تعرفينا اكثثر من غيرنا نوف انا ماابي اتزوج رغد
نوف ..ساكته ..وبعدين قالت ..ليه يابدر ..؟؟
ر..اعرف قصدك مافيه احد في بالي لكن رغد لا ماابي اتزوج بهالطريقه ليه يختارون عني
نوف ..طيب يابدر انت شلون نبي تحتار زوجتك
بدر ..مو هذا موضوعنا
نوف ..لا يابدر او اقول يااستاذ بددر ..اذا انت شايف ان بنت عمك الي حتى ماسألت هي فيها من صفاتك الي تطلبها
ماتناسبك فكر كثير ..وراح تتوصل لنتيجه وحده مجتمعنا هذي طريقة بالزواج الاهل الي يخطبون لعيالهم صح بعض الناس الصدف تلعب دور وتخلي الولد يختار زوجته لكن هذا استثناء ماهو قاعده
بدر..نوف طيب انا راح اعمل الي انتم تبون
نوف ..لا يابدر لاتغالط نفسك بيدك ترفض لكن كر بتبعات الرفض
بدر..خلاص نوف توقعت انك تفهميني
نوف ..بدر انا فاهمتك زين لكن رفضك راح يجرح ناس كثير اولهم أبوك الي ماراح يكون قد كلمته
بدر ..خير ان شاء الله مع السلامه نوف
نوف ..مع السلامه
نزل بدر تحت وسلم على امه وبوه الي كانوا يفطرون بالصاله ..
أم سعود ..افطر يابدر بعد الفطور ابيك بسالفه
بدر..يمه مستعجل ونأجل السالفه لليل
بدر ..تأمرون بشئ
أم سعودوابو سعود..سلامتك يالغالي
طلع بدر من البيت وتم طول الةقت يفكر بكلام ابوه وسعود ونوف ..ولارجع للبيت الا الساعه تسع بالليل
بدر ..السلام عليكم
كل العايله ..وعليكم السلام
سعود..بدر ليه قافل جوالك تعبت اتصل فيك
بدر ..انتهت البطاريه
أم سعود ..بدر تعال ابيك بسالفه
بدر ..مايحتاج الغاليه انا موافق واليوم الي تامرون فيه انا جاهز بس بشرط
سعود عرف ان بدر وافق من غير قناعه لخاطر ابوه وامه
ابو سعود ..خير ياولدي سمعنا شرطك
بدر ..اشوفها قبل الملكه
ابو سعود ..وليه تشوفها عشان عقب تقول ماتبيها وتفشلني عند الله وخلقه
أم سعود..ياولدي بنت عمك كامله والكامل الله
بدر ..هذا حقي والدين عطاني اياه
ابو سعود ..ان شاء الله واخوي مابيرد لي طلب وانا اخوه الكبير
بدر..تصبحون على خير
الكل ..وانت من اهله
قام سعود مع بدر ..؟؟؟
__________________
اعجبتني فنقلتها...............................ترقبواالجزء الثاني[/COLOR]

القصـــــــــــــــــــة روووووعه قد قريتها

واللي ماقد قروها يقرونها لا تفوتكم

الجزءالثاني.
بغرفة بدر..
سعود..مقتنع يابدر بقرارك ..؟؟
بدر ..ماهو مهم على قولة نوف إذا ماتزوجت رغد بتزوج غيرها بنفس الطريقة خلينا نخلص ونفتك
سعود..بدر بنت عمك ماهي رخيصة حتى تقول هالكلام
بدر..وأنا ماقلت شئ كل حقوقها تاخذها وغير كذا ماعندي
سعود..وشتقصد يابدر ؟؟
بدر ..ولاشي لو سمحت سعود خليني لحالي برتاح ..
سعود ..ولايهمك ارتاح يالمعرس هههههههههههه
بدر ..بايخه مره اطلع وسكر الباب بعدك
سعود ..إيه طيب بايخه ..
طلع سعود وترك بدر مع نفسه وللأسف توصل بدر لقناعه انه بيعطي بنت عمه كل حقوقها إلا الحب مستحيل يحبها مستحيل تكون ترجمة حلمه لواقع عن طريق رغد ماهي الانسانه اللي تمناها زوجه ابدآ ..
وبدر إنسان طيب وحبوب لكنه يكابر بمشاعره ولاهو بسهوله يبين حبه أو يبين انه ضعيف ,,نام بدر وهالقناعه مسيطرة عليه
وبغرفة ريوف كانت ريم تسمع كلام خواتها اللي من قال بدر قراره راحت ريوف تكلم نوف وتقول لها لان نوف خبرتها عن
الكلام اللي قاله بدر ..وحطت ريوف السبيكر وتموا يسولفون مع بعض
ريم ..والله أخوك هذا مايقدر النعمة وإلا رغد وش ناقصها زين وخفة دم وعلم
نوف ..أنا اعرف رغد لكذا ماكان ودي تروح بعيد أبيها لبدر وربي بتعجبه الله يهديه
ريوف ..والله لو إنكم جاهلين ببدر بدر حجر مايلين ولايهمه لاخفت دم ولا حب ياعيني يارغد
كل هالدلال والرومانسية بتكون بالهواء
ريم وبوجه حزين ..بتنصدم بااخونا الأستاذ بدر
نوف ..بس أنتي ويماها والله بدر رجال مافيه مثله مع انه أحيانا ينرفز
ريم ..نوف ..أنتي وين رجلك جالسه تهذرين هههههههههه
ريوف ...هههههههههههههههههه عيب ريمه
نوف ..الشرهة على اللي جالسه وتاركه رجلها وتسولف معكم يالله مع السلامة
ريم ..نوف خلاص نمزح تعالي بكرا اشتقنا لحمود
نوف ..إيه انعدلي ههههههههه ان شاء الله مع السلامة ..
البنات ..مع السلامة
ريم وبأبتسامه خبيثة ..ريوف مااشتقتي لسلطان ..؟؟
ريوف والصدمه على وجهها من السؤال المفاجئ ..اعنبوك انتي ماتستحين هو أنا شفته عشان اشتاق له
ريم..علي هالكلام ريوف اعرف انك تموتين عليه ههههههه
ريوف ..طيب امووت عليه واشتقت له موووت وشعندك
ريم .. هههههههههه ماعندي شئ خلينا نكلم رغوده شرأيك..؟؟
ريوف ..الحين ..؟؟
ريم ..إيه بكرا عندكم أف وأكيد هي صاحية الحين
ريوف طيب ندق عالجوال وبعدين إذا صاحية ننزل تحت اوكي(تخاف يرد سلطان ولا يتركها بعدين لأنه جريء ويحب يسولف مع بنات عمه إذا صادف ورد عليهم )
ريم ..طيب يالله اتصلي
وتتصل ريوف ويدق جوال رغد ولا احد شاله وتنزل ريم وريوف عند التلفزيون ويخلون جوالاتهم بالغرفة
ويحصلون بدر طالع من المطبخ معه كاس عصير ..
ريم من الخوف ..بدر مانمت ؟؟
بدروبأبتسامه ..لانا يم بس اشرب عصير ..وش السؤال الغبي
ريوف ..ههههههههههههههه مسكينة
ويرن التليفون وترتفع عين بدر تلقائيا عالساعه ويروح ويشوف الرقم ماعرفه
بدر ...الووو
المتصل ..لحظة صمت ..السلام عليكم
بدر ..وعليكم السلام والرحمه
المتصل ..عفوا اقدر اكلم ريوف
بدر ..لحظه
ويناظر بدر ريوف ويعطيها السماعة وشكله واضح انه ماهو راضي عن المكالمة لان الساعة كانت عالواحده
ريوف ..مين .؟؟
بدر ..مااعرف كلمي وقولي لي ..!!
ريوف ..شافت الرقم وقالت هلا والله رغوده
بدر عرف من رغوده أكيد بنت عمه لكن استغرب من اتصالها بهالوقت وتم واقف عند الباب بمكانه ومع كأس العصير وسمع أخته
ريوف ..اتصلت على جوالك مار ديتي لأني ماتوقعتك نايمه قلت أسألك عن الاختبار (تكذب عشان بدر واقف وألا هي بتسولف )
رغد..لا عيوني مانمت بس كنت عند عبدا لله ورجعت وشفت رقمك أكثر من مره واتصلت مار ديتي قلت اتصل على البيت بس من اللي رد علي سعود عندكم للحين (هي شاكه انه بدر بس تتأكد)
ريوف وهي تحاول تخي ابتسامتها ..لا هذا بدر مو سعود
رغد سكتت ..وضحكت ريوف ماقدرت.. بدر على باله قالت رغد شئ عنه وضحكت ريوف
وقال .. تصبحون على خير ..
طلع بدر وظلوا البنات يسولفون شوي وعقب سكروا وراحوا ينامون
الساعة وحده الظهر في بيت ابو سعود ..دخل سعود وزوجته وولده إلي أخذته ريم وجلست تلعب معه ودخل ابو سعود وبدر وسلم بدر على
أمل زوجة سعود ..
بدر ..هلا أم سالم شلونك
أمل ..بخير الله يسلمك شلونك أنت
بدر ..الحمد لله بخير ..ولف بدر على سالم وأخذه بحضنه إلا أمه داخله لصالة وشافته
أم سعود ..عقبالك ماتشيل ولدك يمه
الكل ..آمين ..وبدر يحاول أن يتصنع ابتسامه
ابو سعود ..هايابدر يوم الأربعاء نروح لبيت عمك كلمته ووافق انك تشوف رغد
بدر ..اللي تآمر فيه يصير يبه
ابو سعود ..كفوا اولدي اجل نتكل على الله يوم الأربعاء تجهزي ياام سعود انتي والبنات وقولي لنوف بعد
بدر ..ليه يبه نروح كلنا أنا وأنت نشوف البنت ونرجع
ابو سعود وبدأ يعصب ..يوم الأربعاء بنخطب رسمي بوجود كل عمانك وآلا ناوي تشوف البنت وتهون
بدر ..لا مابهون وبصوت واطي لو تكون شمال والي أبي يمين
ابو سعود ..شقلت ؟؟
بدر..سلامتك صار اللي تآمر به طال عمرك
وفي بيت ابو سلطان الكل مجتمع بعد الغداء ابو سلطان وأم سلطان ورغد وسلطان وعبدا لله كان طالع معزوم على الغداء
ابو سلطان ..يوم الأربعاء كل أخواني بيجون عندنا
أم سلطان ..حياهم الله البيت بيتهم
ابو سلطان ..رغد أبوي عمك سالم بيجي يخطب رسمي وشقلتي
رغد ..استحت وهي تموت على بدر قالت الشور لك يبه
سلطان ..رغد هالموضوع مافيه مستحى إذا موافقه قولي
ابو سلطان ..موافقه رغد من غير ماتقول بس الله يهديه بدر طالب يشوفها قبل
أم سلطان ماعجبها الكلام ..افا والله ليه يشوفها وعقب يتركها
خافت رغد معقولة يعملها بدر ويفضحها ويقولون شافها ولد عمها وتركها وقطع تفكيرها سلطان
سلطان ..حقه يمه مانقدر نمنعه
أم سلطان ..وليه ماشفت أخته أنت مادامه حق
سلطان ..يمه الله يطول بعمرك أنا ريوف اعرفها زين مايحتاج اشوفها
سلطان كان جريء وإذا اتصل يسلم على بنات عمه وشاف ريوف بالصدفة أكثر من مره
ابو سلطان ..تجهزي يابوي يوم الأربعاء ولانبي لبس هالايام فاهمتني أبوي
رغد ..إن شاء الله يبه
وقام ابو سلطان يرتاح وراحت معه أم سلطان وظل سلطان ورغد بالصالة ورغد متعوده تسولف مع سلطان
لانه طيب ويسمع لأخته حس سلطان ان رغد خافت من طلب بدر
سلطان ..رغودده لو لف الدنيا مابيحصل مثلك صدقيني
رغد.بأبتسامه باهته ...عشاني أختك تقول كذا
سلطان ..لا لأنك أجمل بنات العايله زين وعقل وعلم يحمد ربه ..إن الله رزقه برغوده
تطمنت رغد من كلام أخوها ..وطلعت غرفتها وكل تفكيرها بيوم الأربعاء اليوم اللي تشوف فيه حبيب عمرها بدر
وبسرعة جاء يوم الأربعاء وفي بيت ابو سلطان الكل مشغول ومرتبك الدخون والقهوه والشاي والحلويات ورغد بحاله ثانيه
لأنها مو بس خطبتها لا هي غير عن كل بنات العايله هي الوحيدة اللي طلب خطيبها يشوفها..
وفي بيت ابو سعود الكل كان جاهز وبدر ولا هامه ولا كأنه رايح يخطب لانه اعتبر زواجه واجب مجبر ينفذه ولا أعطى نفسه فرصه يحس
بالفرحة أو حتى الخوف ..وصل عمهم ابو خالد وراحوا كلهم لبيت ابو سلطان ..
وبعد مادخلوا الحريم والرجال راحوا للمجلس وقم سلطان وأخوه بواجب ضيوفهم دخل سلطان واشر لبدر بعد ماطلب منه أبوه انه يطلع معه عشان يشوف أخته ..
سلطان..تفضل بدر للمجلس الثاني ودقيقه وتجي رغد
بدر.وتوه يحس بالارتباك والخجل من سلطان ...أسف ياسلطان لكن انا إنسان متعلم و.
سلطان ..قاطع بدر يااخوي حقك ولافيها شئ تفضل ارتاح
ودخل بدر وطلع سلطان ونادى رغد اللي كانت بتموت من الخوف ومعها البنات كانوا يحاولون يهدونها وصلت عن الباب وقالت لها ريم
ريم ..اقري المعوذات لا يعطيك عين اخوي ههههههه
رغد ماتدري تضحك على ريم وآلا تصيح من الخوف توكلت على الله ودخلت
رغد ..السلام عليكم

الجزء الثالث


لما سمع بدر صوتها رفع رأسه ووقف ..وعليكم السلام والرحمه
جلست رغد مقابل بدر مثل ماقال لها سلطان لان سلطان يعرف أخته مابترفع رأسها
بدروبكل برود ..كيفك رغد ..؟؟
رغد وبصوت واطي وهي بتموت من سمعت صوته ..تمام
بدر ..يكلمها عشان ترفع رأسها لكن مافيه أمل ..بخاطره والله مشكله
سلطان ..رغوده ارفعي راسك خلي الرجال يشوفك ههههه
بدروبعين قويه ولاحتى ابتسامه ..كيف الدراسة رغد ؟؟
رغد وبتموت من الحياء ..ماشي الحال ورفعت رأسها ثانيه بعدين قامت واستأذنت وطلعت
وأول ماطلعت لقت البنات مجتمعين عند الباب وارتمت بحضن ريوف وبدت تصيح
ريوف وهي تضحك ..رغد منتي صاحية اجل يوم زواجك بتموتين هههههههههههههههههه
وكل البنات يضحكون عليها وطلعت غرفتها هي وريوف بس
بغرفة رغد كانت بتطير من الفرح شافت بدر أخيرا ثلاث سنوات ماتشوفه يرجع بأجازة أسبوع ولا تشوفه أخيرا أخيرا
ريوف وحاسة بفرحة رغد وقلبها يتقطع عليها ..رغوده هاشرايك بأخوي ..؟؟
رغد ساكتة ومبتسمة ..بدنيا ثانيه مافيه غير بدر والكلمات القليلة اللي قالها والنظرات الجامدة اللي ناظرها فيها
ريوف بأبتسامه ..تخبين عني أصلا عيونك فاضحتك مهما حاولت
رغد وكأنها صحت من حلم ..انتي الوحيدة اللي تعرف إني امووت فيه وتسأليني وشرايي فيه أنا اليوم اسعد إنسانه بالدنيا
اليوم ياريوف ابدأ ابني حلمي طول هالسنوات بالواقع يالله ياريوف تتذكرين لما أقولك بعمل إذا تزوجت وبعمل وبحول حياة بدر
لجنه اليوم أنا حسيت بالسعادة وصدقيني كل الحب اللي بداخلي بهديه لبدر ..الإنسان اللي جبيته وحلمت فيه
ريوف ..الله الله وين بدر يسمع

ريوف..وبخاطرها تقول لو تدرين انه رافض الله يعينك يارغد على اخوي
وتمت ريوف ورغد بالغرفة تحكي لها عن فرحتها وريوف تتألم على حال بنت عمها
وبمكان ثاني من البيت الكل كان يهني بدر وهو وكأنهم يهنونه على أي شئ تافه مايعني له ..
سعود والابتسامة على وجهه ..هايالمعرس تغير رأيك بعد ماشفتها ..؟؟
رغم ان رغد كانت أجمل بمليون مره مما تصورها بدر لكنه مااعترف بهالشئ وقال
بدر وكل البرود على وجهه مستحيل تقدر تحدد موقفه من تعابير وجهه ..حبيت أسوي شئ يبين إني ساهمت باختياري وإلا شفتها أو لا ماتفرق عندي
سعود وبكل خيبة أمل ..أقول مالت عليك ياشيخ والله أنا فرحان أكثر منك ابتسم مره وحده الواحد يعرس
بدر ..بس الشرع حلل له أربع ..!!!!!
سعود وعيونه تتلفت خاف احد سمعه ..عنبوك توك مااعرست اسكت لايسمعك عمي والله يطردك
بدر ...ياشيخ روح أنت ربي راحمني لانه حلل أربع على الأقل يختار الواحد له زوجه منهم
سعود ..من جدك تحكي بدر ..
بدر ..بنت عمك حقوقها كاملة بتا خذها وبتعيش مكرمه في بيتي
سعود ..وبيتها ..
بدر..طيب في بيتها المهم فكونا يالله نمشي مليت من كثر مايباركون لي
سعود..أقول مالت عليك ياشيخ ماانت كفوا احد يعبرك خلني أروح لخالد ابرك ..وقام عنه
رجع الكل بعد ماتقرر ان الملكة تكون بعد ماتنتهي رغد اختباراتها بعد شهرين ويكون بدر جهز البيت وبعد الملكة بثلاث أسابيع يكون الزواج
وبكذا يكون بدر مايقدر يشوف رغد ولا يكلمها إلا بعد الاختبارات يعني بعد الملكة ..
وأول مادخلوا البيت الا التليفون يرن ..ويشيلها بدر
بدروعرف انه نواف ..هلا والله بأخوي
نواف..ألف مبروك المعرس
بدر ..بسم الله العالم كله داري بعرسي تونا مااعرسنا ياشيخ خلينا نتهنى
نواف ..هههههههههههانا بعرس هنا وبجيبها معي
بدر ..والله تكون فكيت عمرك ..وبصوت واطي وارتحت من ألتدبيسه اللي تنتظرك هنا
نواف ..ههههههههههههههههههههههه ياحليلك يابدر وهقوك برغيد
بدر ..هي هي احترم نفسك
نواف ..توها تدبيسه ههههههههوالحين احترم نفسك
بدر ..أقول كلم أمك ابرك لك وخليني بحالي
أعطى بدر أمه سماعة التليفون..
طلع بدر لغرفته يحاول يتذكر كل اللي صار من وقت مادخلت رغد لحد هالوقت لكنه للأسف اقنع نفسه وكابر إعجابه برغد وقال
رغد مستحيل تكون الزوجة اللي حلمت فيها طول عمري ..رغد عمري مار سمت صورتها بخيالي ليه يارب أنا حظي كذا
كنت احلم إني أعيش لحظة زواجي وفرحتي واختياري رغد والله مااتذكرها اللي اعرفه ان وحده من بنات عمي وإحنا صغار يقولون بتتزوجها والله أنا نسيت بس هالشياب من ينسيهم هالعادات القديمة إلي تذبح أحلامنا بلحظه ..ظل بدر معصب على أهله لحد مانام ..
بالطرف الآخر رغد كانت عايشه بأحلامه تتخيل كل ثانيه ممكن تجمعها مع بدر ..الي حبته من هي صغيره والكل يقول رغد لبدر تربت على هالشئ ولافكرت بغيره ولأنها تشوفها أكثر منه باعتبار إنها بنت يعني تشوفه بالمزرعة أحيانا او بالبيت مع الشباك كانت تعرفه لكن من ثلاث سنوات ماشافته وبينها وبين نفسها تقول والله يابدر مثل ماانت وسيم وشخصيتك حلووه يحس الواحد أذا شافه يهيبه بدر طويل وجسمه حلو
وبشرته حنطي ومشاء الله عليه كله على بعض حلوو ..وبدت تشوف الأغراض الي كانت تشتريها وتقول كل مره حلمي وصبر ومعاناتي
كلها بتعيشها معي يابدر وفتحت الصندوق الصغير وبدت تستعرض كل الأشياء الي خبتها من مراهقتها من الوقت الي بدأ بدر يكون حلم
مؤكد لها ..كانت بكل مره تسافر أو تطلع لسوق تشتري أشياء كثيرة ولا تنسى بدر لكن بشكل مختلف من أغراض الصندوق
أحجار محفور عليه كلمات مختلفة مثل ..أنت عمري ..وبرضو أخشاب محروق عليها أبيات شعر ..شموع على شكل كلمات تحمل
معاني عاشتها رغد مثلا اشتقت لك ..احبك..وأغراض كثيرة كثيرة تمت رغد تتذكر كل أحزانها بغياب بدر وأخيرا ابتسمت وقالت أخيرا
تحقق الحلم ..
وبغرفة ريوف ..
ريم ..والله رغد تهبل اليوم مشاء الله عليه بيضاء وطولها حلوو وجسمها يهبل وعيونها وشعرها والله أخوك مو كفوا يستاهل وحده مثل هالشيون الي نشوفهم
ريوف ..الحين انتي شفيك على بدر
ريم ..قاهرني على ايش شايف نفسه ولا كأنه فرحان بزواجه وربي لو هو خطيبي كان تحطمت واضح انه مايبي رغد
ريوف ..بكرا يحبها
ريم ...هههههههههههههههههههههه والله حلوه نكتتك بدر يحب مستحيل
ريوف أقول يالله اطلعي خليني أنام
ريم ..واحلمي بحبيب القلب سلطانوه
ريوف وتأخذ المخدة وترميها على الريم الي طلعت بسرعة وهي تضحك ..
مرت الأيام والبنات مشغولين بالاختبارات وبدر مابين دوامه وتأثيث البيت ..انتهت الاختبارات وتمت ملكة بدر ورغد وكانت رائعة
كانت رغد لابسه فستان فيروزي ناعم وحلوو وشعرها كستنائي لنصف ظهرها وعيونها مشاء الله تخلي الواحد يغرق فيه لكن ياحساره الي قدامها حجر مايلين جلس بدر مع رغد عشر دقايق لبسها الشبكة وصور معها بس وطلع بعدها رغد كانت هذي أحلى لحظات عمرها ولاحست بشي لان بدر فعلا ماقصر كان يبتسم لكن كل أهله عارفين ان هذا تمثيل إلا المسكينة رغد ..
بعدها اتصل بدر برغد مرتين وكانت معظم المكالمة عن التأثيث والسفر وقليل ماكانت تتكلم معه عن نفسها أو مره فرح قلبها وقال لها كلمه حلوه ولاتتعدى عشر دقايق لكن الي الكل مستغرب منه ان بدر من الملكة ماراح بيت عمه ولا شاف زوجته والكل كان مستغرب ولما جت نوف عند أهلها قالت لها أمها وأنها خايفه من تصرفات بدر لان البنت مالها ذنب عيب الي يسويه وقالت نوف إنها بتكلم بدر وتتفاهم معه ..
وقتها بدر بغرفته وماسك جواله بيدق على رغد يسألها عن لون احد الغرف بالبيت وتوه بيعمل اتصال إلا وتستأذن نوف وتدخل
وبعد السلام قالت نوف ..بدر ليه مارحت تشوف رغد..؟؟
بدر ..مو لازم زوجنا بعد عشر أيام
نوف ..بدر أنت مو صغير والكل مستغرب ليه ماتروح لهم ..وبعدين البنت مالها ذنب من حقها تعيش فترة خطوبتها مثل كل البنات بعدين ماسألت نفسك عمي واخوانها شراح يقولون..؟؟
بدر وعصب والجوال بيده عمل اتصال من غير مايحس ردت رغد بعد ماشافت رقم أنت عمري وكانت مسجله رقم بدر بأسم أنت عمري
بدر ..نوف انتي تعرفين إني وافقت على هالزواج عشان خاطر أبوي وعماني وألا أنا ماني موافق خلاص مو كفايه نفذت لكم كل الي تبون لاتطالبوني بشئ ثاني ..أنا قلت لك أنا مااااابي رغد ولاابي اظلمها معي وأنت مافهمتوني لاتطلبون مني شئ مااقدر عليه ..
سمعت رغد هالكلام ولاقدرت تتحمل قفلت الاتصال وبكذا بدر ماحس ولاعرف ان رغد سمعت كلامه
نوف ..بدر لاتضحك على نفسك وتكون بدر المظلوم انت رجال واتخذت هالقرار ولاتنسى انك قلت رغد بتاخذ كل حقوقها
ومن حقها انك تروح لها وتشوفها مثل مايعمل كل العيال بعايلتنا ..فكر بكلامي بدر
وطلعت نوف وهي فعلا معصبه كثير من بدر لان عمره ماكان كذا صح هو صعب لكنه مايقصر بواجباته تجاه أي احد وهذي بتصير زوجته ..وظل بدر يفكر بكلامها وبعدين اتصل برغد وكانت بحالة انهيار من الصياح وضياع حلمها
وتم بدر لحد الليل يتصل برغد ولاترد وبعد التعب قررت ترد عليه ..
__________________