كثير من البشر يسأل عن اسباب الحـزن فينـي

كثير من البشر يسأل عن اسباب الحـزن فينـي
وكثير من البشر وده يعرف بدنيتي وش صـار
***
وعلام اللي يقابلني يشوف الدمـع فـي عينـي
وانا توي صغير السن حزين وشـارد ومنهـار
***
انا بحكي بقول الحين عن اللي صار في سنينـي
ولكن قبل لا اتكلـم ابيكـم تحكمـو يـا اخيـار
***
تعالو واشهـدو يانـاس تعالـو طالعـو فينـي
تعالو شاهدوا جسمي غدى ناحل وعقلـي طـار
***
انا ماني تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار
***
تعالو واسمعوا مني وش اسباب الحـزن فينـي
وشنهي سبة دموعي وش اللي بدنيتـي اسـرار
***
يتيمٍ ايـه انـا عايـش يتيـم محـدٍ يراعينـي
ولحدٍ عني جاء يسـأل وحيـدٍ جالـسٍ بالـدار
***
يتيـمٍ مافـي بالعالـم رحـومٍ جـاء يواسينـي
يتيمٍ عايش بحسـره وضيقـه عيشتـي امـرار
***
يتيمٍ فـي نهـار العيـد محـد جانـي ينادينـي
يقول لي خذ حلاو العيد زمانٍ كنـا فيـه صغـار
***
يتيمٍ صـاح ياموتـي رجيتـك رجـوه تجينـي
يومٍ استاذي قال بكره يجـون ابائكـم ياصغـار
***
شهادتكـم تـرى بكـره وابوكـم لازم يجينـي
بسلمها انا بيـده وشهـادة شكـر مـع ازهـار
***
وجاء بكره وجيت امشي ولحدٍ ماسـك ايدينـي
ومن أي طالب دخل ماسك بدين ابوه صرت اغار
***
وكنـت الاول ولكـن دموعـي كانـت بعينـي
نزل دمعي وسط حفلٍ كبيـر وحاضرينـه كثـار
***
مقصر زادها الاستاذ ما بـارك صـار يعزينـي
شهاده كانت بيـدي احسهـا جمـرة مـن نـار
***
ترى هذا سبب واحد من اسباب الحـزن فينـي
يكفـي يابشـر ولا اكمـل وافشـي الاســرار
***
ابحكي عن سبب ثاني سبب زاد الحـزن فينـي
حبيـبٍ مـت فـي حبـه ولكنّـه طلـع غـدار
***
انا رغم اليتـم حبيـت عشقـت بكـل مافينـي
عشقت وكنت له وافي واذا اخطأ اجيـب اعـذار
***
انا حبيت لي شخصٍ عشقتـه عشقـي لعينـي
وهو حبني واقسم لي بـرب المصحـف الجبـار
***
انـا صدقـت حلفانـه وهقيـت انـه بيغلينـي
ومثل ماني احبه مـوت توقعتـه يجينـي بـار
***
ولكـن خيّـب ضنونـي توقعـتـه بيحميـنـي
توقعته حبيبـي يكـون ولكـن صاربـي غـدار
***
اثـاري كـان يتسلـى ووقتـه يضيعـه فينـي
وانا اللي أحّسبه يحبني واحسبه حاط لي مقـدار
***
قطع في طعنته اخر عـروق الفرحـه بسنينـي
وزاد الحزن في قلبـي وخلانـي اعيـش بنـار
***
خدعنـي ونيتـه ينهـي حياتـي وده ينهينـي
وعجزت اخذ بثاري منه حبيبي كيف اباخذ ثـار
***
ومع غـدره وطعناتـه غرامـه ساكـنٍ فينـي
ولا ظني انا بنساه لـو اتعالـج بوسـط شهـار
***
عرفتو يابشر هالحين ليـه الدمـع فـي عينـي
عذرتوني على جسمي عذرتو عقلي اللـي طـار
***
وامانـه يابشـر تكفـون اذا منكـم يلاقيـنـي
لايسألني وش الباقي من اللي بدنيتـي اسـرار
***
لاني لو انـا بحكـي جميـع اللـي صار فينـي
ياناس عقولكم والله بتلحق عقلـي اللـي طار

انا ماني تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار

--------------------
قصة مبكيه.. ومحزنه..
متناسقة القوافي والكلمات..
تحكي قصة متعذب يتيم .. عاشق مغدور.. ما تهنى بدنيته ولا فرح بطفولته..

ما أدري شلون أشكرك على هالقصيدة.. وعلى كل المواضيع الي تكتبينها..
ما قصرتي يا قلبي ..

*تقــبلي أعطر تحيــآاتي*

اول شي اشكرك على تواصلك معي
فاردوودك الحلوه والله لايحرمنا من طلاتك
والقصيده سرقته من منتدى عجبتني وحبيت اناقلها

كلمات مميزة من انسانة مميزة الف شكر والف ع ــافية


تح ــيتي أع ـقل

يعطيك العافيـه اختي عالقصيده بالصراحه ذووق..

تقبلي مروري البسيط..

اوخيـ ملاك ـــتك ..

جوري

ماجملها من كلمات
وما احزنها من مشاعر
ما اجمل الكلامت التي خطتها اناملك
تسلمين

يعطييك الف عافيه على القصيده الراائعه

تقبلي مرروي