.."يمه احبه..فديت ابوه قبل امه"..

20-09-2007, 08:07 AM

يمّه عليه إن زعـل ... واذا رضـى يمـــّه

يمّـه ذبحنـي غـلاه ... وشـــــلّ وجـدانـــي

يمّـه غرامـه طريـقـي ... ولازم اتــــمّـــه

شيٍ مـن الله علـى غفلـة تغَّشَـــانـي ...!!

اشهق على ضحكته واشفـق علـى ضمّـه

واموت منه إن جفى ... وإن جاني احيانـي

إن كان درب الشقـى يمــــر مـن يمّـه ...!!

والله لكـمّـل شـقـاه " إن الله احـيــــــانـي "

اقـول ياســـــــيـدي ... ويقـول ياعمّــــة ...!

كـلٍ ذبحـه الولــــه فـي عشـقـة الثــــــانـي

اشتـاق طعـم الغديـر اللـي وســـــــــط فـمّـه

مقـدر اخبّـي عليـه ... اكتــــــــــب ويقرانـي

قمـت اشتكـي للغـلا ... واصيــــــح واخمّـه

ياشيـن بلـــــــوى الهـوى ... الله لا يبلا ني

يقـول لـي بالهـوى مذهـب ولــــــــــــي ذمّـة

واقـول بصـرك ... ولـكـن لا تعـــــــــــدانـي

ابـي طريـقـك يصـيـر لوجهـتـــــــــــي يِـمَّـة

ومنيـن يممـت وجهـك غـصـب تلقـــــــانـي

يزمنـي بالهـوى ... زمـّـة ورى زمـّـــــــة

قطّـع وريـدة وخاطـه وسـط شريــــــــــانـي

مبطي اذا خفـت صحـت وقلـت " يايمّــــه "

والحين اذا خفت صحت وقلت " ياحصانـي "

لا واهني من قـرب منـه ... ومـن ـشمّـــــه

ماكـن ربـي خلقـه الا علـى شـــــــانـي ...!!

جيتـه وكلـي مــن الاشــواق ملتـــــــــــــمّـة

امشي من الصبح ليـن ان عشقـه امسانـي

ياحلو لوعـة شقـاه ... ويـا حلـــــــو سمّـه

والله ياهـو بالهـوى " مـن جـد ورانــــي "

ادمـى عيونـي ... وحنـى يدينــــــــي بدمّـه

وعلـى طريـق الولـه اقـفــــــــى وخـلانـي

يمّه احبّه ... فديـت ابـوه قبــــــل امّـه ...!

يهزنـي هـز ريـح ... وزلـزل اركــــــــــانـي

وش فيه اذا البنت تعشق...؟! .. الهوى قمّة

خلينـي اعشـق قبـل مـا تابـس اغــــــصانـي

يهمنـي حيـل ... وادري فيـنـي اهـــــــــــــمّـه

حتى اسألي روجـي الـوردي ... وفــــستانـي

20-09-2007, 06:30 PM

أميره الحـــب، يشرفني أن أمر على صفحتك
و أقـــــــــول لك أن خاطره بالفعل رائعة،يعجز أمامها القلم عن التعبير

تقبلي مروري

20-09-2007, 09:51 PM

ادمـى عيونـي ... وحنـى يدينــــــــي بدمّـه

وعلـى طريـق الولـه اقـفــــــــى وخـلانـي

يمّه احبّه ... فديـت ابـوه قبــــــل امّـه ...!
------------------------------
قصيدة روعه.. الصراااحه كلمااااتها جناااان وخصوصاً البيت الي يقول:
وش فيه اذا البنت تعشق...؟! .. الهوى قمّة

خلينـي اعشـق قبـل مـا تابـس اغــــــصانـي

روعـــــه..

الف شكر لك على مجهودك الحلو..
تقبلي مروري أختك: حلا,,

21-09-2007, 08:36 AM

مشكورين حبايبي على مروركم..
نورتوا الصفحه حبايبي ولا تحرموني من طلتكم

22-09-2007, 05:59 PM

كلمات رائـعه وذوق اروع من انسانه اروع واروع ..
يعطيك العافيه اختي عالخاطـرهـ الجونآآن ..
منتظرين جديدك
والى الامام
تقبلي مروري
اوخيـتك :
ملاكوهـ

______________________________________