:::::خَلّيِ هَجّرَنّيِ تّكّفَىَ يَآمّوٌُتَ زرَنّيِ :::::

خلي هجرني تكفى ياموت زرني
وان ماقدرت دلني مكانك وانا اجيك

مابي حياتي دام خلي هجرني
مابي حياتي دامه يقول مابيك

يدري بظلم الناس يدري وظلمني
واكد كلام اللي يقولون ناسيك

لكن قبل لاتاخذ الروح مني
باسأل حبيبي كم سؤال واخاويك

وشلون قلبك ياحبيبي تركني
وتد ري بخفوقي كم له شهور هاويك

وماتدري بعادك وصدك ذبحني
وما تدري عن دمع نثرته وانا ارجيك

اسال جميع الناس وش صار عني
اسال وش اللي صار في حال مغليك

لو عاش عاقل عيشتي كان جني
حالي لو تشوفه بعينك يبكيك

لوعلموك وش كثر همي وحزني
من يوم حبي انتهى وصار ماضيك

لو علموك عن قلبي اللي يوني
مطعون يصرخ يشتكيلك يناديك

صار الحزن هو لعبتي صار فني
ابكي ندم والله الى حل طاريك

ضيقت صدر ويا الهموم اسكنتني
احكي واكمل ولا ماقلت يكفيك

اللي سمعته بسبتك انت جتني
عطيتني كرهك وانا الحب معطيك

ضاعت سنيني وانا بالحب ابني
قصوور وانهدت سبب فعلت ايديك

جاك الوفا والحب والعشق مني
حتى الوله والشوق والصدق مهديك

قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

هذي حقيقة بعض مامنك جتني
وبعض اللذي اسقيتني سم با ايديك

ماكنت ساكت خايف بس لاني
ميت بحبك ما أقدر ازعلك واشقيك

حرّمت اقولك من محبتك عطني
مادام غيري في محبته مرضيك

ببعد بعيد واوعدك ما احني
ابشر اببعد ومع حبيبك بخليك

وابي مماتي ياخذ الروح مني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك
===================

اميرة الحب

صراحة اشكرك على هذي الخاطره الجونان الي استمتعت بقرائتها

والله يعطيك العافية ولا تحرمينا من جديدك


سلملم

مشكوور اخووي بقايا على مروورك العطر..

الله يعطيك العافيه..نورت الصفحه..

وابي مماتي ياخذ الروح مني
تاركلك الدنيا بها الله يهنيك



ابداع يا أميرة تسلم يدك ياقمـر
يسلموووووووووووووووووووووووالله

تسلمين عقووله على مروورك العطر

الله يعطيك العافيه

نورتي الصفحه بطلتك

خآطره ولا كل الخواطــر روعه .. كلماتها .. اكثر من رائعه ..
تسلم يمينك اختي ..
تقبلي مروري المتوآآآضع ..
اختك
:
الملاك