• ]|«• تفـٍـٍـآخر لع ــنبو غيرك ترى غيـٍـٍـرك يمَمَوت هنــآك •»|[•

.
:
.
غريبه يامعاندنـي , تجـي واتقـول جـاك امـنـاك
تجـي يوميـن ثـم تبعـد , وقصـدك بـس تذبحنـي
غريبـه كـل هالعالـم , تلفّـه لــف فــي يمـنـاك
ولا لك بيـن كـل النـاس , غيـري وانـت خابرنـي
تعوّذ من بليـس وهـاك , دام القلـب , راضـي هـاك
( حبيب ) القلب واسكن ( نبضه ) , واحتـل واشربنـي
أنـا والله لـولا الله , وخوفـه قلـت لجـل ارضــاك
وحبّـك جيـت فـي الدنيـا , ومِـنـك الله خالقـنـي
أنا ( قارون ) برموووشك , وانـا ( فرعونهـا ) لـولاك
انا المذنب , وانا المؤمـن , بشوقـك وانـت تكفُرنـي
أنا يجتاحني رجفه , لو اسمـع بـس , وقـع اخطـاك
اجل وش عاد لـو شفتـك ؟؟ , حشـا , والله تموتنـي
أنا لو سلهمت عينك , بعينـي , قلـت لـك ( نفـداك )
أنـا داخــل بـوجـه الله , ووجـهـك لا تضيّعـنـي
انا من وين ماوجهـت وجهـي , فـي الوجيـه ألقـاك
أحـس انـك تبعثرنـي , ولا ادري كيـف تجمعـنـي
أجي لك شرق يسرقنـي , جنوبـك , وانسحـب منّـاك
وأجي لك غرب يسرقنـي , غروبـك وانـت تشرقنـي
أحـس انّـك معـي دايـم , واتـوه بعالمـك واحيـاك
وافوق احيان واتسائـل , لـك الله كيـف سخّرنـي ؟؟
تفاخر ( لعنبوا غيرك ) , ترى غيـرك , يمـوت اهنـاك
وربـي ينتظـر كلمـه , وأصــد وهــو يكلمـنـي
ومادام الله عطا لـك شـي , فاشكـر واغتنـم ماجـاك
ومـادام اتشوفنـي ساكـن , نصيـحـه لاتحرّكـنـي
أنا لو قلت لك بانسـى , ورب البيـت , صـدق انسـاك
لذا : , لـو شفتنـي بانسـى , فانـا طالبـك تمنعنـي
واذا قـررت تمنعنـي , وشفـت ان القـرار أعـيـاك
مـا بيـك اتقـول وش تبغـى , تـرى والله تضايقنـي
انَـأبغى ؟؟ , قول وش ما ابغى !!, على بعضك كذا أبغاك
ولعيـونـك , باخرّبـهـا , واذا مجـنـون قـيّـدنـي
أنا ابغى كل مايطـري , عليـك اسمـي يهـز اقصـاك
وابيـك ان شفتنـي مذنـب , بحبـك تـوب واغفرنـي
أبيه ايصير فـي عينـي , منامـك والرمـوش اغطـاك
وأبيه ايصير فـي عينـك , منامـي وانـت تسهرنـي
أبي حبّـك , وأبـي قربـك , وأبـي ( لبّيـه ) يالبّـاك
أبي ضمّك , وأبي شمّك , وأبـي لـو طلـت تجرحنـي
أبيـك ان قالـوا الشاعـر , تقـوم اتـفـز دون ادراك
أبيك اتحس بـي دايـم , أنـا اقصـد وانـت تسمعنـي
وانا شاعر مـادام انّـك , مـن الغاويـن بـس أهـواك
تقول آقول مـالا افعـل ؟؟ , بسيطـه , بـس جرّبنـي
وقـل مجنـون لا يسمـع , ولا يفقـه , وانـا اتحـدّاك
ايلا منّي نويت انسـى , باشـوف اشلـون تمنعنـي !!
.
:
.
اعجبتني فنقلتها ..
تحياتي ..

ج ــنـآآآآآآآآآآآآآآآآآآآآآآن

مرررة ح ــبيتها القصيدة ^_^

يسسلـمـ لنا هالذوق أميرة

يع ــطيك الف ع ــافية ع ـلى هالنقل الرائع

لا ع ــدمناك

مشكورين على مرووركم العطر..

الله يعطيكم العافيه..

نورتوا الصفحه..

مشكوٍرٍهـ .. على الموًضوٍع ويعطيكـ العافـيه بـس ترا ماقريت الا اول سطرين وطفشت منها .. بـس حلوٍهـ <=-=-=- ايه افلقني اذا كملت العنوان ههههههههههههههههههههه

يـآلله يعطيكـ العافيه تقبلـي مروٍرٍي