لا تكطع اترجاك سمعني كلمة *** والله الهوة بلياك مايسوى اشمة
صاير طبع بالناس تنسى اليبعدون *** بس انا ما انساك لو تعمة لعيون
كاسرت ايدي وياك بس خابت ايدي *** ماعيدت بالعيد جي انـت عيـدي
الدارمي من كتابات الشاعر غانم الفياض والدارمي السابق لشاعر عبد الحسين الحلفي
يانور عد عيناج بس حشمي بصوت *** لو مر عليج الموت اذبحلج الموت
لاتظن يوم انساك لويوم اعوفك
صدكني ابيع الروح بس كون اشوفك
لاتظن اكطع بيك ولتتدظن اعوفك
لوتدري هسه شلون مشتاق اشوفك
هم قصف هم قناص هم مدفعيه
هم شوفت الاحباب صعبه عليه
اتمنه عندي جناح كل ساعه امر بيك
معذبتني هاي الروح بس تسأل عليك
اكتب جواب عليك معروفه الاسباب
لوصرنه متحدين جرح الوطن طاب
وين البخت يفلان وتكلي مبخوت
لواشتغل دفان هم محديموت
سته بوسط هل روح حبك زرعته
وتفكر انساك مخبل انته
لاتسال اعله الحال خليهه سكته
تسال عله المكتول والكاتل انته
رش الدرب تيزاب حافي اعتنيلك
جاشلي بل رجلين الماتجيلك
لوترش موتيزاب لوتزرع الغام
اللحم خله يرو اوصلك اعضام
كلي لوين تريد وتسافر المن
وردات البساتين بعدك يذبلن
مهماترد تغيب بعيوني اشوفك
كمرانته وهلالي وشلون اعوفك
عكرب تريد تصير تلدغني وتروح
حسبالي خوش وليد سلمتك الروح
كون الكلب طلقات ودخل بكلبك
وكتب عله الشريان بدمي احبك
اذا جفت بحار الشوك ونعدمت مراسيهه
ارسلك سفينه شوك وبدمعي امشيهه
تدري شوكت انساك ومن بالي تهون
من تلكه جسمي هناك بلنجف مدفون
لآجلك اصير صكاك وصعدلبطه
واليحجي بس وياك بلجنطه احطه
روحي امدهه افراش ويدي المخده
والكلب للغالين سبلت اشده
خوه انه وياك روح بوسط روح
وقبل الجرح لوجاك تلكاني مجروح
عهدوياك ماخنته وحبك بلكلب صنته
قسم بالله لوبيدي اموت اني وتعيش انته
اني من دونك وحيد حاير ما اعرف شريد
صدك لوحبك رصاصه جان صرت اول شهيد
لي روح ونفس لي قلب وحساس
لي كلمه بين اقواس اغليك يااغله الناس
كيف عن حبك اتوب ولكلب انته ملكته
تبث عن كل الذنوب وذنب حبك ملكته
اميرالروح سميتك وبكلبي خلاص حطيتك
لواهديك نضره عيني مااعتقد وافيتك
بالك تظن وتكول عشرتنه دكه باب
الكلب مفتوالك هيهات اسده
لويدور الزمن ولويخليني وحيد
غيرك مايهوه الكلب ولايصاحب من جديد
اراسلكم اظل للدوم وحبكم صادق النيه
يظل كلبي يحن الكم شمادار الوكت بيه
لاتظن هاي تصير حي انه وانساك
الكفن والتابوت حد خوتي وياك
خوتناخوت عمر خوتناحدالموت
يمكن اعوفك نعم بس وانه بلتابوت
يارسائل عايديهم وعلى الخدبوسيهم
وقوليلهم كل عام وانتم بألف خير
اناكلي تحت امرك خذفرحي وهات همك
خذضحكي وهات دمعك خذعمري بس هات حبك
ادري انته صح زعلان بس ارد اراضيك *** ليش انته قاسي وياي ماترحم شبيك
هم همي هم الناس هم انته ناسي
ماتدري بيه شصار شيبو راسي
تمثال ا
لك بالعين شايلتة الجفون *** و نافورة منة وبيه دمعات العيون
يالتسوة نوحي عليك يالتسوة لعيون *** عشرتنا شجرة وماي نتفاركً شلون
شكثر يكلبي تريد تتحمل هموم *** هذا الخبر حيل خلاني مصدوم
بيضه وتضل للدوم بالعشره نيتي *** وبيت الأزوره ايصير يابويه بيتي
ارد انهب المحبوب وترك الديره
وانعل ابو القانون لابو العشيره
موطفل والزك بيك ولا مومراهق
بس حجيك المعسول يجبرني اصادق
من الحزام وفوك مرخوص الاسمر *** بس خاف الطمع يوزيك وحنه نتقشمر
فكر وشعر واخلاق يبقه العراقي *** شهم ويظل للدوم لللخوه راقي
يبقه العراق بخير شيعه ويه سنه *** لو بيدي للطيبين احجز الجنه
سنه ويه شيعه اخوان والفكر راقي *** تاج وتظل عل راس انته العراقي
تاج وتظل عالراس انته الحضاره *** تبقه وتظل للدوم انته المناره
بتموز تبرد ليش لو انه غلطان *** صد گني لو مجنون لو عمل نسوان
صير شتريد اتصير حنظل واجرعك *** بس لا تكول فرا گ مابيه اودعك
بيك المحبه كتاب خليني صفحه *** ولو سطر هم رضيت بس لا تمسحه
ارد انشد العشاك واهل العداله*** ليش التكله اهواك يكثر دلاله
اصل وفصل واخلاق بنت العراقي *** حسن وجمال وذوق والفكر راقي
يلي خايف عل رصيد خلي كلبك من حديد
اتصل سمعني صوتك غير صوتك مااريد
كون انكلب عصفور وسكن غرفتك
وختل وره الكنتور وسمع ضحكتك
صرت م المشه بداخل وريدك
ومثل متريد مشيني وريدك
فراكك حيل مرمرني وريدك
على جروحي تدوس بلاخطيه
يوصفولي بجالك مره شفتك
تغمزلي بعيونك مره شفتك
ومره تعظلي اصبعك ومره شفتك
ومن شفتك وكع بيتي عليه
روحي اشتهت ملكاك رادتك هسه
لاترضه هسه تنام ولاترضه تنسه
تدري شعمل فركاك وسوه بيه
خله الكلب والعين يبجن سويه
هاك اخذ كل اعظاي حطهه ويه روحك
بس عيني اعزهه اعليك لان بيه اشوفك
الإهداءات
21-02-2008, 02:12 PM
شعر جميل 
المواضيع المتشابهه للموضوع: شعر جميل 
