أرياكي شما ردت تحله تمر بيك
ويعثك الشيص حسبالي تمر بيك
أجدامي النوب لو رادت تمر بيك
أكصصهن وأكصص حتى اديه
نص احترك من هجرك ونص طاف
وغرك نصي ابحر حبك ونص طاف
يريت المدرسة ترجع ونصطف
وابدلك بالعلم واخذ تحية
عجب مامر عزيز الروح بس لاح
رماني وردت ارد السهم بس لاح
لجيبك لو تصير اليوم بسلاح
وتداوي جروح علاتي الخفيّه
حبيبي اكل فلافل ونته باجه
شوكت تكعد كبالي ونتباجه
ولك بسمار كلبي ونته بجه
وبساميرك عوج ردهن بديه
وكع قلبي بغرامك ماتشيله
وجرح شوك البيه ماتشيله
اخابر وانت تسمع ماتشيله
ولك هالروح ماتحمل اذيه
البشر لو مات كلبه ماتشوفه
وضمير الناس جنه مات اشوفه
عسن عين اللي حكلهه ما تشوفه
عمه اسود صابهه لحد المنيه
يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه
انت الكلب والروح مالك
صرت كلي الك ياترف مالك
تصد عني وتدير الوجه مالك
تعذبني وتحملني الأذية
اريد الدنيا تصفى وياي بس يوم
واشوفك ياكحيل العين بس يوم
تنوح امي عليه وصحت بس يوم
الذنب ذنب الحبيب قاسي عليه
يكلبي بيش اخيطنك والحماك
يجيك الهضم من دمك ولحماك
ولاواحد شكف دونك ولا حماك
شما اسوي اهم عدوان اليه
.
عينه
ياربي لو نخاك العبد عينه
وسيعه وماتحب الكحل عينه
رفع طرف العباية وشفت عينه
همومك موعفتهن كتلي شوجن
وهم ماتبت عقلك تسل شوجن
اشزرع كلبي بمحبتك كلي شوجن
جنالي هموم وخبال واذيه
انة الماعرف قدري ولا حد
ولاسهم الكطع جذري ولاحد
اصفن بية كل سبتك والاحد
بس اعرفني شنهي وهاهيه
ما اعشك بعدغيرك ولانتة
لانك ماتحب غيرك ولانتة
لجلك عذبت كلبي ولانتة
تاليهة اطلعت تلعب عليه
وليدي الظيم و انا الصرت اب له
وعگلــي للمهـالـك ســاگ ابـلـه
مــو كـامـل اعـرفـه العـقـل ابـلـه
جـاب الجمـر حطّـه ابّـيـن ايـديـه
.......
شفتـه وچنّــه دورة بــدر وجـهـه
و نيـران الغضـه بحشـاي وجهـه
يـربـي يالتـوجـه الـكـون وجـهـه
على گلبي الذاب خلّه يحـن عليـه
...........
يـلـيـل الـظـلـم عالـنـيـران بــتّــك
و يگلبي خلـص بالحسـرات بتّـك
اذا مــا يـدخــل بمعـصـمـك بـتّــك
اشـمــره لا يـخـلـف لــــك اذية
........
اليعوف اسمي اعوفنّـه و لا جيـه
و ابطّل مـا اصـل داره و الا جيـه
اي گلبـي هتـف بسمـك و لاج اي
و اذا عـفـتــه يـعـوفــك للـمـنـيـه
يلايم لا تـلوم الگلب دمعين
جرح البيه ما يندمل دمعين
فايض بالجفن هاليوم دمعين
على مصاب النبي وظلع الزچيه
حبيبي بيا بخت وياي شديت
وعدا هجرك الي شقدمت شديت
بأصبعك حتى تذكر خيط شديت
انحسر دمك ولا فكرت بيه
مع تحياتي الى كل الحديثين بصورة خاصة ولكل اخوتي العراقيين مع تحياتي سعد الحديثي
حياالله الانبار وحيالله الوردها
وحياالله كلمن سعى بانقاذها وردها
وهي تنطي كلمن يجي لديارها وردها
وتكلة كل الهلا اگعدلك شوية
كضا يومي بحزن وانتظر غادي
وكلبي اعليك مثل النار غادي
باجر من يصير احساب غادي
اشتكل لله على السويتة بية
كبل يفهمني كلبك منك احلى
وانا الما يوم شايف منك احلى
اجيت لرمش عينك منك احلى
سحرني والكحل طاح من اديه
نصحته ولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نص حاي
نحيـــل ولا اثــــر نكاد بي
حرت شكتب على البداع شطري ستحه من شطوركم ماطال شطري اعرفكم عليه الاصل شطري يعني احد افرا د الناصريه ارق تحيه الى شاعر المبدع اخي وصد يقي رعد الفياض واجمل تحيه الى جميع شعراء العراق المبدعين 000اخوكم احمد روز
يا وكتي انكضت وياك بالاه
ودمع العين ثوب الصبر بلاه
لو كلي اصير جروح بالاه
اكابر وما اجازيك برديه
حبيبي ما تحب النفس بعداك
عديت شحصلت يا ترف بعداك
نخيت الصبر ويه الجان بعداك
وهسه انت الخنت بيه
الإهداءات
01-03-2008, 02:25 AM
المواضيع المتشابهه للموضوع: ابو ذيات حلللللوه 
ابو ذيات حلللللوه 
