روعه الابوذيات الجمال

حبك سرة بكل اعظاي دورة...
عزيز والك بالشريان دورة...
اذا شكيت هاك الكلب دورة...
اذا غيرك لكيت اعتب علية


سهام هوای طگنی ولاحن
ولامرة انکسر گلبچ ولاحن
آغنی لجلچ وارگص ولاحن
لان حب وحنان یصیر بِية

**************

الولف عظني بنيابة مايتاني
وبعدة شلون حالي ميت انة
أضل أسنين لجلة مية أتاني
بس عينة ردت تنصد علية


(اهداء الى ملهمتي وملاك قلبي شمس )
صرت دم المشه بداخل وريدك ومثل متريد
مشيني وريدك
فراكك حيل مرمرني وريدك
على اجروحي تدوس بلا خطيه


البخل ماوصل يمي ... مالحاني
وتضل وحدة كلمتي ... مألح أني
أبن العراق اني ... مالح اني
معزب دوم يالتنشد عليه

ممكن تقبلوني صديق لكم
حبي واحترامي للجميع


بعدنة كلمن يحب و يلينة

و قساوة بكلبك و جور وية لينة

مثل عدنان صرت انه و ية لينة

يحبهة و مستوي و ما تدري هيه

خدودك يا ترف من وردة حمرة
و شفايف كالعسل من غير حمرة
بس وياي تنطي العين حمرة
و ارق من النسيم وية البقية



حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضكت حلوتها ومرها
بويا طلع مــــرها أمر امن المنيه

**************

أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
كمت صليت من غــصبن عليه

****************

أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه

*************

أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه


***************

المصايب بس على روحي تلافت
يكلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه



مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

**************

أتلعثم من أشوفــــــــن وسطك أنا
أومنهوالوشوش بذانك واسطك أنا
تكلي ويــنك أنتــــــــه وسطك أنا
تــدور بــالنـبـض تـعـــــثر عليه

************

أشلون الروح اكضها من تهم بيك
أو مثل تهمه حبـيــبي من تهم بيك
الضيم اليمر بــــــيا منته تهم بيك
ولاجنك وأنا مبـــــــــــــين عليه

**************

أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــلون بيه

***************

بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحكني بالشفا كبــــــــل المنيه

**************

نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهه ودلاها عليه



أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه

***************

يصاحب لو تشوف اشلون كتماي
على عيوني ويسح الدمع كتماي
اشما اكل للروح سر الهوه كتماي
تحن وتهيج الساكن عليه

*************

ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه

****************

من وجدي لهـيب الشـــوك ورباي
نديمي وعلى ادروبك اصد ورباي
ابن كلبي وضـوه للبــــيت ورباي
فرح شوفـتك من تخـــــطف عليه



حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

************

حبيبي أومهجتي أودنياي ونته
ترى المالوم صعب اهواي ونته
يصاحب تاه مني الكلب ونته
بس لو صادفك تلكاه إليه

************

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

**************

ليش انته على الحبوك تنحال
وظلوعي ابيوم شال الظعن تنحال
إلك عقده ابدليلي عيب تنحال
لما يطلع جديد الشيب بيه

***************

غياب اجفاك لرموشي لجهنا
عميت أوروح ماعادت لجنها
وحقك غالي او دمعي لجنها
ارخصت من يوم شح وصلك عليه


بودادك آخ للدلال فخار
جدب كلمن عليه الجد فخار
اختلاج الناس من صلصال فخار
وحبيبي اختلق بالقدره العليه

>>>>>>>

أنا صابر وانتظر واشوف وعداي
أنا طحت ومرضت مرض أيوب وعداي
أنا خبرك ياحبيبي درى بوعداي
البقى ابراسك هواك العمل بيه


>>>>>>>>

عايش اومختلي ابحالي وخالي
وشوف اهواي بعيوني وخالي
عمي ذب علي جمره وخالي
جاب امهفته وهفه عليه


>>>>>>>

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه



اله يومين محبوبي ميانه
لون يعطش اصيرله مي انا
اهي جلمة وحجيناهه بميانة
شو زعل وحمرن خدوده عليه

***************
وحك الي انكطع بالطف ((وريدة))
احبه وبي الي رغبة واريدة
لعوفنهه واخليهه ورة ايده
بلكي بهل زمان يحن عليه

****************
لون يصدك حبيب الروح جاياك
وهدر من لهيب الكلب جايك
جنت شيش بهواك وصرت جا يك
بعد ياهو اليجي ويسأل عليه

****************
سال دمعي ملا هيزة سنة سال
وسنة مجنون خلاني وسنة سل
وسنة بحبال ربطني وسناسل
وسنة هدني وكعد يضحك علية

***************
اريد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يعاتب كل خوي يخون بخوية


هذه مجموعة من البوذيات المختلفة
ارجو ان تنال رضاكم
____________

احبابي شلون حالتكم بعدنة؟
شبدينة والوكت عنكم بعدنة؟
اذا انتو نسيتوا،احنةبعدنة!
بذكركم كل صباح وكل مسية.

************

دليلي من يون معذور شي به
ومثل حالي تكلي الناس شبيه؟
اذا توك يا احمد شفت شيبه!
انا مكمط وكون شيبات بية

************

شما داور جبلتي تندار يدهه
حزينة وحكت علراس يدهه
احبهه وابوهه بظهر يده
وهي تحبني وابوي بظهر ابيه

************

الف نعلة على ابوج وروح يداج
وعساهه بشلل كون تصير يداج
وج يوكحه شوكت انه صرت يداج
امس واهلي شترو كاروك اليه


وحك التين والزيتون والمن
اجروحي الطابن امن اسنين ولمن
السدر والجفن والكافور والمن
كَبل طرت الفجر يسرون بيه

**********************
نحل جسمي وزاد اليوم مرضاي
على اللي ما شفت له شخص مرضاي
لو بات الترف بحشاي مرضاي
اكَله اكَرب يهل مبعد عليه

***********************
أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الجذب والفتن والشوفة الردية
**********************
يعاذل نار شوكَي هل تمسني
إهديني الشوف حبي والتمسني
بجه من مد يمينه والتمسني
لكَاني نفس ما مش جسد بيه

***********************
الزمان وي الجواد بسكَم كَصرن
ويبني بيوت للأنذال كَصرن
الكَصير يطول وال بي طول كَصرن
الصكَر يطلب من البومة هديه !

***********************
أنه بدنياي عيبن شفت راحات
أو علي مرت ليالي العسر راحات
أجيبن هاي كَالوا ذيج راحات
أخافن بالقيامة ذيج هيه !!

**********************
نحل جسمي وتظل روحي تعالي
هبطنه والنذل بينه تعالي
يجارة الدهر ما انصف تعالي
نخلط همومنا ونجسم سوية

*********************
وحكَـ المرتضى إيمامك وإما ماي
عبيط الدمع لفراكَك وما ماي
هوه الناكَه لفة خلفي وما ماي
الهوة مدري لوين ايريد بيه


***********************
آنه انشر للهوه وما طلع حباي
ومن ضعفي غديت انحيل حباي
لون غير الحمام ايصيب حباي
عتبت ولا عتاب اعله المنيه
وبيض اسيوفكم امست صديه



وحق من مرضك ياسمر وشافاك
اتخبل كلمن لمح حسنك وشافاك
لون اشتم عطر خدك وشافاك
مناعه من الامراض اتصير بيه


السلام عليكم ورحمة الله وبركاته
هذه مجموعه من الابوذيات المنقوله





على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


باب الدار بجفوفي لحني
وحنين النوك ما يوصل لحني
وطيت لكن اسهامك لحني
بوسط قلبي وطبيبي احتار بية


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه



حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه


انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه





رشيق الطول كال بشعر صفنه
وجمالك بلشعر يراد صفنه
بطولك لو تجي وتصير صفنه
صفر ينطونه وينطوك ميه


هاي الابوذيه لبني مالك...
نفر من كتله لج وصاح مالج
واخبر الروح اكله شبيج مالج
عشكتيلج حلو من بيت مالج
تعافى وذب سوادينه عليه


انا المكسور دومي من لحمني
اسد خيوط ربعي من لحمني
أبي وماكلت روحي من لحمني
تلحك تستوي وتنطيه اديه


احب ارد على ورده الكربلائيه ...
تروح الروح بغيابك وأردهه
وكتاب جفاك يمدلل وردهه
روحي بغيابك تره يذبل ورده
مأي أنته وترد الروح بييه