وحك طه ونبي عيسى وصالح
بغرامك بس آنه مخلصلك وصالح
تظل لشوكت تتزعل وصالح
تره حلاة العشك من نفرح سوية
سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه
زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه
وحك الالف واللامين والها
روحي بهوى ساهي العين ولها
الك ثغر وجبين وعين والها
خذ شبه البدر لو سطع ضيه
كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه
ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه
المصايب بس على روحي تلافت
يقلبي اعله النكر طيبك تلافت
اون وعظامي بهجرك تلافت
طريح وساد دوب النفس بيه
تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه
ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه
قوم انصب يصاحب ماتم النه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه
تظن انساك وانته الروح واسلاك
سبب مايوم مني انقطع وسلاك
اعيش آنه عقب فرقاك وسلاك
معافي والوشاة علموا بيه
مدري لاتناشدني على احشاي
بجيت وصب دمع عيني على حشاي
تبعت الضعن وجفوفي على حشاي
شمامال الضعن روحي تميل بيه
أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه
صب دمعي على الوجنات ياهل
وماتدرون بيه شصــار ياهل
صرت عصفور جني بيـد ياهل
أهـو يـلعب وانــا شـلون بيه
شهر سيف الهجر ضدي وسله
نساني وراح وي غيري وسله
عنب ماحصلت مـــنه وسله
طلع ذيب وكتلني اربـات إديه
تبنه من العشــك وردود عدنه
وحسبنا سنين مره وتــاه عدنه
هوايه بالسلف حلــوات عدنه
لون روحك صدق خضره وطريه
احبك من شـفــاف القلب عتباي
ولانوبه أذكرتنا واوصلت عتباي
أعتب مانفــــع وياك عتباي
على ياهي زعـلت وكطعت بيه
كحل بالعــين أحـــبابي يحطون
ويحربه مسومره بكصبه يحطون
يليت أهلك أبجــنب أهلي يحطون
ننام اثـنـيـنه ونلتــف سويه
كلبي مافرح عكـــبك ولاسار
دوجدمي ماخطى لغيرك ولاسار
اخبرك مابقت جــــلمه ولاسار
فضحني الدمع من غصـــبن عليه
انت الشمس وانت البدر منهل
وشفافك طعم العســـل منهل
كلبي بس الك ياتــرف منهل
الورد من تمر ياخـذلك تحيه
عقلي ياترف حبــك وجن بيك
من الجوري يمحبوبي وجن بيك
اجيت انتوعــــدك وجن بيك
ليالي الفرح وايــــامي الزهيه
سوالفنا كضن يشـــكر وكتهن
ولون يحصل مجال الهن وكتهن
لون الكى دمع بعيــوني وكتهن
مودمعي خلص وانقـــطع ميه
احبـچ مااحب غـيرچ بدالاچ
اوشوكي مابدى الغيرچ بدالاچ
انا ويـن ألكـى يا......... بدالاچ
ملاك مــن السما نازل عليه
عرفت يااشكر ملاعيبك وفنك
واضن كلماتي في حقك وفنك
احذرك تغدر بحبي وفنك
تلعب والخداع اكبر اذيه
ياضالم لاتهيج الروح خلها
عساها تموت بعد فراك خلها
لزم ايدي الطبيب وكتله خلها
المرض بچلاي چا شلك بديه
وحك البلمهد ربه وحاله
الدنيا وياي للهامه وحاله
صديقي علي هد چلبه وحاله
الچلب رد وصديقي انهد عليه
شرك ياصاحب الغيبه علي حال
ووعد الي تواعدته علي حال
صديقي الچنت اودنه علي حال
چلابه ومزكن ثوب العليه
عجيب الصاحب الينكر صحابه
وبيهم يحن كلبه وصحابه
اذا ويه النبي خانوا صحابه
عادي بهل الزمن غدر الخويه
انه الواضح والمبين ولاخاف
وجدمي مارجف مره ولاخاف
وانه المانكص وزني ولاخاف
اختفيت وخفت خف وزن العليه
شخلص يافرح وشوكت شفتك
وتطوقك بغرامك حين شفتك
طريح آنه ودواي برشف شفتك
تصل لشفاي واشفه من المنيه
مچلب لارضه ايهدني ونهده
ساعه ولارضه نكعد ونهده
ابوس بيه من شفته ونهده
وصلت للصدك بدل عليه
روووووعه الابوذيات 
