اشطب على بيروت واشطب على الشام
الزيـن والله وسـط نجـد العـذيّـه
لاياوجودي وجد مـن جـاه الاعـدام
والكارثـه مـن دون ذنـب وخطيّـه
علـى عنـودٍ شفتهـا بيـن الانــام
ترسـل بعينيهـا سـهـام المنـيّـه
جسم ورسم واكشخ ملابـس وهنـدام
ووجـهٍ قسـم بـا الله فاتـح شهيّـه
ليل ونهـار وامـن وامـان واجـرام
وصقـر وغـزال ووردتيـن نـديّـه
وصوفٍ اشبه بـا التخيّـل والاحـلام
مجتمـعـةٍ فــي قـصّـةٍ واقعـيّـه
صارن جميلات البنـيّ حولهـا اقـزام
قد قيـل وش جـاب الثـرى للثريّـه
بعض المعـان تحيّـر عقـول واقـلام
وبعض الوصـوف تحيّـر الشاعريّـه
ومن شاف ماشفته حشا كيف ينـلام؟
عـذراً نيوتـن.. انّهـا الجاذبـيّـه!!
ياليتهـا ليّـه علـى شـرع الاسـلام
والـروح فـدوه والمشاعـر هـديّـه
ويا اللي تقول الزين في مصر والشـام
ماشفـت زيـنٍ وسـط نجـد العذيّـه
تقبلوووو تحيااااتي ،،،
01-05-2008, 07:56 PM
اشطب على بيروت واشطب على الشام الزين والله وسط نجد العذيّه 
