صعبه اعيش ايام عمري بلياك
وانتي الحياة بدون شوفك كآبه
تعالي خذيني لاخر حدود دنياك
مليت اقاسي من زماني عذابه
حاولت لكن ما تحملت فرقاك
بُعدك عذاب وفي حضورك مهابه
للشوق فيني شي لا ما اعتقد جاك
حوّل حياتي للملل والرتابه
اوقات اشوف ان الغلا ما تعداك
واحيان احس ان الهوى للغلابه
بين المحال وبين خافي نواياك
حار السؤال ولا لقيت الاجابه
كانك تقولي هموم وقتك تقفاك
وش حيلة اللي صار همه زهابه
يطرد سرابك في متاهات رجواك
نفس الطريق اللي مشيتيه مشابه
قلبٍ يحبك كيف يسلى وينساك
ما للفضاء لو شفت دونك رحابه
خليتني عايش على حد الادراك
مثل الجريح اللي تمادى صوابه
ماحدٍ ملا عيني من الناس لولاك
في غيبتك كل الاوادم تشابه
هذا الشعور اللي من اقصاي ينخاك
يبي القليل وما عطيته رضابه
كل القصايد داخلي همها ارضاك
حبك مدادي لا بغيت الكتابه
اجيك كلي يوم كلي فداياك
كل شي يهون الا الحبيب وغيابه
رد الوفاء والحب للي تمناك
قفى العمر واحلى ليالي شبابه
جتك المشاعر ما لها غير شرواك
دامك ملكت الروح وين الغرابه
بقايـــ دموووع ــــا
الإهداءات
07-05-2008, 03:45 PM
وانتي الحياة بدون شوفك كآبه 
