القصيده الاولى وليست الاخيره <الثمالي>

17-05-2008, 06:41 PM

احبك ليه مااحبك احبك ايه ميت فيك
على صفحات شعري باينه ماني مخبيها
قصيده دمها اربع حروف وروحها طاريك
من اولها احبك كل احبك في معانيها
احبك وش تبي مني من اوصاف الغزل واعطيك
احبك ثق تماما كلمه انطقها واعنيها
احبك خلني لك يا حياتي بس انا واغنيك
عن باقي البشر وابشر بها الكلمه وراعيها
احبك ليتها اسمك كل ما اشوفك بها اناديك احبك يااااا<احبك>
وانت تسمعني واثنيها
وانادي يا احبك حتى لو جاوبتني لبيك
ابيك تقوول لابالله هاذا جد معطيها
واقلك ليه معطيها ؟كذا يعني عشان اغليك
عشان اني احبك بس لعيونك مخليها
على قول المثل كلي من يدك ذي لا يدك ذيك
احبك قبل منطقها عيوني لك نغنيها
حرووووفي ودها توصفك من راسك الي رجليك
تراني ما بغيت الا تعاندني واسويها
ابيك حروف منثوره وانا فنان بالتشبيك واشبكها على صوره تحير عقل قاريها
ابرسمك بحروفي حب واتفنن وابدع فيك
ابيك تكون لوحة شعر كل الناس تحكيها
ترى عندي مقامك فوق واسأل خافقي ينبأك
تأمل كل كلمه من لساني لا تعديها
اقلك لو اقلك الف<احبك>ما بعد توفيك
مقام الحب اسمى من حروف اقزاااام نحكيها
احسن اني عن التعبير عاجز بس ما اخفيك
احس انك تقدر لعثمة حرفي وتغليها