معاناتي بالمغازله الله يعزكم

اول مابدت قصتي من يوم كان عمري سنتين (( قويه شوي صح )) ماعليكم مني
اسمعوا اللين النهايه..

اول مابديت اغازل كان عمري سنتين كله من اصدقاء السوء اللي عند البقالات اللي يشربون بيبسي ابو نص وبسكوت مالح

المهم راح اخليكم مع هذا الرابط ويوضح لكم كل شي


اضغط هنـــــــــــــــــــــــا



اضغط زيييييييييييييييين



ارجع لكلمة اضغط هنـــــــــــــــــــــا واضغط بقوه



هل الماوس عندك بدى يطقطق معناتها خربته رح اشتر جديد


واضغط هنـــــــــــــــــــا




من جد ماجت معك .. اجل اضغط الماوس يمين واختر كلمة ماحولك احد لانها تنطبق عليك صدقت....



اقول انزل كمل القصه مافيه روابط ولا شي




وين وصلنا ... ايه وصلنا المحطه اللي على شارعين اجل نديور



..........................................


يوم كان عمري سنتين كانوا اهلي بيروحون زواج قالوا وين نوديه قالوا نحطه عند جيرانا عندهم بنت كبيره تمسك ذا البزر البثر ...

وانا اتسمعهم قلت حلو فرصه اغازلها واشبك معها بنت جيرانا عمرها 20 سنه

المهم كل اهلها في الاستراحه رايحين مافي البيت الا هي وحطوني اهلي عندها قلت حلوووووووووووو

ودخلتني وصكت البيبان وراحت تسويلي حليب لان عمري سنتين بس فااااااهم المرجله .. خشمك خشمك ..

جابت الحليب واعطتنياه وقالت اشرب وشغلت فلم امريكي مرعب قلت حلو فرصه تخاف وتقرب مني

انا شربت الحليب ونمت وماقمت الا في بيت اهلي .. جو واخذوني وكل الليل راح وانا نايم (( صدق بزر ))

المهم كبرت وترعرت وصرت ولد شباب وراعي حركات وعمري وصل للعشرينات بس مشكلتي قروي شوي

على فكره بنت جيرانا لازال عمرها عشرين <<< وين يابو الشباب تحتريك هي ماتعرف تنصب

المهم قلت لازم اشبك واغازل علشان اذا جاء العيد رحت للديره وجمعت العيال وقعدت انصب عليهم قصدي اعلمهم

جاني واحد من ربعي قال ادخل محل ورد واذا جت جنبك بنت قلها الحساب علي وخلاص تشبك معك

من يبي يصير صقيقي؟؟؟؟؟

دخلت محل وجت جنبي بنت معها اغراض وحسابها 300 ريال قلت لراعي المحل الحساب عندي قالت شكرا لك وقعدت اناظرها واشر لها برموشي والحياء ذابحني ... البنت طلعت من المحل وانا اناظر وركبت سياره وراحت .. وراعي المحل يناظرني قال لو سمحت الحساب قلت هاه قال هاه مين الحساب ادفع الحساب 300 ريال وانا الصراحه طفراااااان مامعي الا 38 ريال قلت خذها واروح اجيب الباقي قال تلعب علينا تطلع الفلوس ولا اتفاهم معك انا والفلبينيين اللي في المحل قمت وطلعت بوكي وطلعت كل اللي فيه حتى الهلل طلعته وطاح مني وقال الفلبيني اللي بالمحل نعم اس يبغى قلت من ناداك انت صار اسمه نفس الصوت اللي صدر من الهلل يوم طاح بالارض (( ترنق تننننننن )) قلت والله مامعي فلوس ..
بعدها بثواني حسيت ان النور اللي في المحل طفى وعيوني كبرت وصارت مهيب في محلها وخشمي راح يسير على كتوفي شوي ويرجع...

وينك ياخويي اللي عطيتني ذا الخطه افقع وجهك ...

المهم قعدت اعالج اسبوعين وانا في البيت ماطلعت وقاعد اتابع برنامج (( حمار اكاديمي )) علشان اتعلم كيف اغازل ...

وبعد اسبوعين .. تخرجت قصدي طبت وطلعت قلت وينكم فيه بس يالبنات جيتكم

رحت لسوق الخضار ابشتري خضااااااااار وفاكهه ولقيت ذيك اللي لابسه عباية وجسم صح طول وعرض وتتمشى بين المحلات مامعها احد قلت فرصه واجيك ومعي كل التعليمات حقت حمار اكاديمي وطرق الحكي مع الجنس الناعم

قلت احلىىىىى البنت تتفكه وتتخضر يعني تشتري فاكهه وخضار قالت اس فيه يالله روه يبغى حمالي انا شيل اغراض..

طلعت البنت بنقالي لابس بدله سوداء من البرد وعلى راسه شال ومن بعيد احسبه عبايه الله من زين الشوف..

تحطمت تحطييييييييم وقلت لازم اعتزل الغزل لاني صرت غير قادر على العطاء .. <<<< يسمع بالاعتزال

من يبي يصير صقيقي ؟؟؟؟؟؟؟

وانا رايح لاكبر سوق بالرياض قلت لازم اعتزل على مستوى لازم اادي مستوى جيد وانا في الطريق وكاشخ احلى كشخه الا بجنبي باص البنات حق المدرسه القديم الاصفر والمخطط بالاسود قلت بس هذي فرصه قبل مبارات الاعتزال

وقربت للباص وطلعت رقمي مكتوب في صفحه كبيره كاتب فيه 056 والباقي ماتغير.......

ووقف الباص عند بقاله كبييييييره قلت فرصه هذي الفرص اللي ماتتعوض ونزل اللي بالباص ولاهم كلهم عمال مؤسسه والباص مظلل وماشفتهم وش سالفة العمال معي..؟؟

ورحت للسوق ابي اسوي اخر تجربه ودخلت كاشخ مرررررررره وكل ماشفت الهيئه ((الله يعزها ويرفع قدرها )) انحاش وادخل أي محل حتى مره دخلت حلاق اطفال واستغربوا اللي بالمحل وش جابني وصرفتها وقلت للحلاق حلق ذا الولد زين ..

وفجأه لقيت اربع بنات يلاحقوني كل مالفيت يمين لفوا معي وكل مالفيت يسار لحقوني
قلت بس اعجبتهم بدى الشغل ابرقمهم واجي جبن وحده منهم قلت خذي الرقم ياعسل
قالت اعرف رقمك وشوله اخذه ياولد اختي .. صارت خالتيييييييي واللي معها امي واخواتي ........




وتم تفقيع وجهي تفقيعا مبرحا حتى تبت وصرت اغازل كهربائي باكستاني اصرف


وقفه جاده ........

(( لا احد يرضى بأن محارمه تتعرض لمثل هذه المواقف وكما تدين تدان اخواني احفظ محارم الناس يحفظ الله لك اهلك وذريتك ))

.................................................. ...................

هذه النقط السابقه موسيقى حزينه على الكلام الجاد



وش تحترون سكروا الستاره خلاص انتهى موضوعي

وتم تفقيع وجهي تفقيعا مبرحا حتى تبت وصرت اغازل كهربائي باكستاني اصرف <<< من جد والله بعد الي جاكـ

ولا كان عمرك سنتين وهي عشرين وصار عمرك عشرين وهي توها عشرين تحتريك ههههههههههههههههههآآآي

الله يرجك رجا مبرحا وربي فاطس ضحك

يسلمووووو ع القصه

تحياتي لك..

شبيه الريح

احســدكـ على الضحكـه تك متعشي صـح .........
ههههههههههههه دوم الضحكه وضحكت العوافي يامطافي
تقبل خالص تحياتي
أخوك شاكي زمانه
واللة علي ماقيل لجلك يهونــــــــي....لوماتوا احباب ولو عاشوا احبـــــــــاب

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه

كله كوووم واللي في سوق الخ ـضار كووووم

ههههههههههههههههههههههههههه


شييييييييييييييييييييييييييي

الله يسع ـد قلبك شاكي

الف شكر خ ـيوو