اهداء لكل من يدخل...

هذي قصيده من أعز قصايدي عندي ...

وأهديها لكل من دخل الموضوع ...

أقول فيها :

تذكرني بذكراه الليالي = ولا تنسى المدمع فقد غالي

ولي هبت من الغربي هبوبه = وزاد الشوق بهبوب الشمالي

تهب وهبها ماهو برادي = ولاكد هب لي في هالليالي

تهيج امدامعي من دون عله = تشوف الدمع بسيولن تسالي

على النسيان عني والتناسي = على مافات من قطع الوصالي

على اللي مدعيني مستصيبن = زرع لي شوق في أرض المحالي

تساقيه الدموع اللي هميله =سقاها مالمراره والزلالي

وليت الثمر لو يثمر .. وليته = وليت اللي بدالي .. ما بدالي

بعاد عالبعاد وزود صده = وقلبي يا ملا يصلاه صالي

تبلته المصايب والدواهي = تبلاه الخوي لي ما يبالي

توصى في خليله بالتجافي = تولاه الكدر ماطاب .. بالي

تعلم من طباع الخير شره =ويسقيني من اطباعه دلالي

الا ياليته اللي مبعدني = ترفق بي وثاب اللي جرالي

ترجيته .. ولا فاد الترجي = ولا بقصور قصرنا ولالي

سوى نوحي وحزني مستهامن = وجفني بالكرى ما بات ذالي


يليته يرحم المتلوف حاله = منايه لو يحقق لي منالي

نسينا اللي مضى واللي يجينا = يكون الوصل هو لول وتالي

ولا بعد وكدر والا تجافي = قرابن مثل حبات الرمالي

علينا لو يهب النود هبه = تذكرنا بالايام الخوالي

ويوم اتهيج بدموعي المدامع = على مافات من قطع الوصالي .. ..
وسوالمــ ..

احساس غريب